Дар Хоруғ барои муҳоҷирони экологӣ паноҳгоҳи муваққатии мутобиқ ба талаботи муосир бунёд мегардад
ХОРУҒ, 08.07.2023 /АМИТ «Ховар»/. Мақомоти иҷроияи ҳокимияти давлатии шаҳри Хоруғ дар маҳаллаи Шарифобод барои муҳоҷирони экологӣ қароргоҳи муваққатӣ бунёд мекунад. Ҳоло бинокорон 80 фисади корҳои сохтмониро ба анҷом расондаанд. Пас аз якуним моҳ паноҳгоҳи мазкур ба истифода дода мешавад, хабар медиҳад мухбири минтақавии АМИТ «Ховар» Файз Мирасан.
Раиси шаҳри Хоруғ Ризо Назарзода зимни мулоқот бо сокинони маҳаллаҳои осебпазир, ки дар кӯҳдоманҳо иқомат мекунанд, изҳор дошт, ки «шаҳри моро аз чаҳор тараф кӯҳҳои сарбафалак иҳота кардаанд ва агар аз як сӯ ин кӯҳҳои бовиқор дар бисёр маврид сокинонро аз ҳар гуна офатҳои табиӣ, аз ҷумла шамолу тундбодҳои шадид ва ҳатто зилзила ҳифз менамоянд, аз сӯи дигар бо тағйирёбии босуръати иқлим дар фаслҳои зимистону баҳор селу тарма ва сангрезӣ сокинони зери кӯҳдоманҳоро ҳар лаҳза таҳдид мекунад. Тармае, ки моҳи феврали соли равон дар шаҳри Хоруғ фаромад ва бар асари он 13 нафар ҳалоку 39 хона вайрон гаштанд, бори дигар моро водор менамояд, ки дар баробари офатҳои табиӣ бояд ҳамеша омода бошем. Бунёди чунин паноҳгоҳҳои муваққатӣ барои муҳоҷирони экологӣ ва дар мавсими боришот кӯч додани онҳо ба ин маконҳо яке аз тадбирҳои муассир ба мақсади пешгирӣ аз чунин офатҳои табиӣ мебошад».
Иншоот дар ҳудуди Раёсати Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон дар шаҳри Хоруғ сохта шуда, барои 80 нафар муҳоҷирони экологӣ пешбинӣ шудааст. Дар иншоот дар баробари толори барҳаво, ошхонаи муосир, ҳамчунин ҳуҷраҳо барои модару кӯдаки навзод бо ҷиҳози зарурӣ низ мавҷуд аст.
Иншоот дар асоси лоиҳаи махсуси «Устуворгардонии шаҳри Хоруғ» бунёд гардида, бинокорон талош меварзанд, ки иншооти мазкурро то даҳаи аввали моҳи сентябр ба истифода супоранд.
АКС: АМИТ «Ховар»
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Пагоҳ дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
