Дар машқгоҳи низомии «Фахробод» машғулияти методӣ-таълимӣ баргузор гардид
ДУШАНБЕ, 15.07.2023 /АМИТ «Ховар»/. Дар пойгоҳи машқгоҳи низомии «Фахробод»-и вилояти Хатлон бо ҷалби ҳайати роҳбарикунандаи вазорати мудофиа, фармондеҳони қӯшунҳои алоҳида, Ситоди генералии Қувваҳои Мусаллаҳ, комиссарони ҳарбии вилоятҳо ва командирони қисмҳои низомӣ машғулияти методӣ-таълимӣ баргузор гардид. Дар ин хусус ба АМИТ «Ховар» дар Вазорати мудофиаи ҷумҳурӣ хабар доданд.
Масъулини машғулият дар доираи дастуру супоришҳои Сарфармондеҳи олии Қувваҳои Мусаллаҳ, Пешвои миллат муҳтарам Эмомалӣ Раҳмон дар самти баланд бардоштани қудрати дифоии мамлакат, ҳадафу моҳият ва ташкилу баргузор намудани ҷамъомади мазкур сухан гуфта, баҳри амалан ба роҳ мондани ин чорабинии муҳими низомӣ нуқтаҳои гуногуни таълимии намунавиро барои омӯзиши иштирокчиён муҳайё намуда буданд.
Ба ҳар дарсу ҷамъомад роҳбарони масъул вобаста гардида, таълимоти назариявии онҳо дар синфхонаҳои таълимӣ бо омӯзиши фанҳои гуногуни муосири ҳарбӣ ва дигар мавзуоте, ки ба нақшаи машғулият марбут мебошанд, ба роҳ монда шуд.
Дар ҷараёни баргузории машғулияти методӣ-таълимӣ маҳорату малакаи иштирокчиёни ин чорабинии низомӣ аз тайёрии ҷисмонӣ, тирпарронӣ аз туфангу автомат ва дигар силоҳу муҳиммоти ҷангӣ мавриди санҷиш қарор гирифт.
Зимни баргузории машғулияти методӣ-таълимӣ аз тарафи афсарону сарбозони як ҷузъи Бригадаи ҳамлаовари десантӣ-зарбавӣ барои иштирокчиёни ин чорабинии низомӣ машқҳои ротавӣ-тактикӣ низ намоиш дода шуд.
Бояд ёдовар шуд, ки чунин машғулияти методӣ-таълимӣ дар як сол ду маротиба ва пеш аз давраҳои таҳсили навбатӣ дар Артиши миллӣ гузаронида шуда, ҳадафи баргузории он дар амал нишон додани роҳу усулҳои нави омӯзишӣ дар Қувваҳои Мусаллаҳ, ташаккул додани назару муносибати ягона ба масоили омодагии ҷангӣ, ташкили хидмати дохилии қӯшунҳо, мувофиқ намудани ҳудуди шаҳракҳои ҳарбӣ, майдончаҳои варзишӣ ва дигар мавзеъҳои таълимии афсарону сарбозон ба талаботи оинномаҳои ҳарбӣ мебошад.
АКС: Вазорати мудофиаи Ҷумҳурии Тоҷикистон
Котиби Шурои амният Юсуф Раҳмон бо Вазири давлатии Вазорати мудофиаи Подшоҳии Муттаҳидаи Британияи Кабир ва Ирландияи Шимолӣ Вернон Коаке мулоқот намуд
Ҷаласаи Комиссияи даъвати ҷумҳуриявӣ оид ба омодагӣ ба даъвати тирамоҳии соли 2026 ба хизмати ҳарбӣ доир шуд
Кумитаи ҳолатҳои фавқулода ва мудофиаи гражданӣ: «Барои пешгирии оқибатҳои сел селроҳаҳо ва роҳҳои обгузарро пешакӣ тоза намоед»
ТОҶИКИСТОНИ СОҲИБИСТИҚЛОЛ — ПАЙВАНДГАРИ ТАМАДДУНИ ОРИЁӢ. Андешаҳо оид ба Анҷумани тоҷикон ва форсизабонони ҷаҳон – «Пайванд»
Низомиёни Тоҷикистон дар Форуми байналмилалии 13-уми Сяншани Пекин иштирок намуданд
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
Прокурорҳои генералии Тоҷикистон ва Эрон тақвияти ҳамкории ҳуқуқиро баррасӣ намуданд
Ҳабибулло Воҳидзода дар ҷаласаи ҳафтуми прокурорҳои генералии кишварҳои аъзои Созмони ҳамкории иқтисодӣ иштирок намуд
Дар Душанбе бо ҳамватанони бурунмарзӣ вохӯрӣ доир шуд
