Дар ноҳияи Сангвор аз ҷониби кормандони «Амонатбонк» тадбирҳои вусъат додани ҳисоббаробаркунии ғайринақдӣ амалӣ мегарданд

Июль 20, 2023 15:58

САНГВОР, 20.07.2023 /АМИТ «Ховар»/. Дар Мақомоти иҷроияи ҳокимияти давлатии ноҳияи Сангвор оид ба сари вақт иҷро намудани дастуру супоришҳои Сарвари давлат дар самти истифодаи ҳисоббаробаркунии ғайринақдӣ ва хизматрасонии фосилавӣ  машварат гузаронида шуд.  Дар ин хусус ба мухбири минтақавии АМИТ «Ховар» Субҳониддини Маҳмуд дар Мақомоти иҷроияи ҳокимияти давлатии ноҳияи Сангвор хабар доданд.

Дар машварат доираи васеи сохторҳои давлатӣ, фаъолони ҷамоати шаҳраку деҳот, раисони маҳаллаҳо, имомхатибон, роҳбарони хоҷагиҳои деҳқонӣ, намояндагони ташкилоти буҷетӣ ва ғайрибуҷетии шаҳр иштирок доштанд.

Мудири филиали КВД «Бонки амонатгузории Ҷумҳурии Тоҷикистон «Амонатбонк» дар ноҳияи Сангвор Бахтовар Раҷабов  иброз дошт, ки «ҷиҳати  иҷрои  Фармони Президенти Ҷумҳурии Тоҷикистон муҳтарам Эмомалӣ Раҳмон «Дар бораи тадбирҳои вусъат додани ҳисоббаробаркунии ғайринақдӣ» аз ҷониби кормандони «Амонатбонк» дар ноҳияи Сангвор дар шаш моҳи аввали сол дар байни аҳолии деҳот бо кормандони муассисаҳои таълимӣ, тиббӣ, фарҳангӣ ва корхонаву идораҳои ноҳия корҳои ташвиқотию тарғиботӣ гузаронида шуданд. Мақсад аз баргузории вохӯриҳо- баланд бардоштани маърифати молиявии аҳолии шаҳраку деҳот, мутахассисону кормандони ташкилоту идораҳо, корхонаву муассисаҳо ва рушди ҳисоббаробаркунии ғайринақдӣ мебошад.

Филиали КВД «Бонки амонатгузории Ҷумҳурии Тоҷикистон «Амонатбонк» дар ноҳияи Сангвор дорои ду маркази хизматрасонии бонкӣ, 20 POS-терминал дар марказҳои савдо ва марказҳои хизматрасонии бонк   мебошад. Бонки мазкур ба зиёда аз 4800 мизоҷ тариқи кортҳои пардохтӣ хизмат мерасонад, ки аз ин шумора 300 адади он корти фарогир мебошад. Дар самти ҳисоббаробаркунии ғайринақдӣ ба шаҳрвандоне, ки кортҳои пардохтӣ доранд, тавассути замимабарномаи «Амонатмобайл», барномаи «Фронт-офис» ва барномаи «Интернетбонк» хизмат расонида мешавад. Ҳамчунин мувофиқи нақша ба сокинони ноҳия 1500  корти фарогир тақсим карда мешавад.

Шаҳрвандоне, ки корти фарогир надоранд, онҳоро низ мутахассисони бонк мувофиқи хоҳишашон бо корт таъмин карда истодаанд. Дар айни замон беш аз 67 фоизи аҳолии ноҳияи Сангвор  бо ин гуна кортҳо таъмин мебошанд.

Ҳамин аст, ки дар шаш моҳи соли 2023  дар филиали  «Амонатбонк»-и ноҳия зиёда аз 4 миллиону 500 ҳазор   сомонӣ  пардохтҳо  тариқи ғайринақдӣ анҷом дода шудаанд.

АКС: Мақомоти иҷроияи ҳокимияти давлатии ноҳияи Сангвор

 

Июль 20, 2023 15:58

Хабарҳои дигари ин бахш

ҚУРБИ АСЪОР: дар Тоҷикистон 1 евро аз 11.1532 то 11.2000 сомонӣ муқаррар шудааст
ҚУРБИ АСЪОР: дар Тоҷикистон 1 рубли русӣ аз 0.1198 то 0.1220 сомонӣ муқаррар шудааст
ҚУРБИ АСЪОР: дар Тоҷикистон 1 доллари ИМА аз 9.6047 то 9.6500 сомонӣ муқаррар шудааст
ҚУРБИ АСЪОР: дар Тоҷикистон 1 рубли русӣ аз 0.1189 то 0.1210 сомонӣ муқаррар шудааст
ҚУРБИ АСЪОР: дар Тоҷикистон 1 доллари ИМА аз 9.5549 то 9.6500 сомонӣ муқаррар шудааст
Масоили марбут ба ташаккули омори соҳаи технологияҳои иттилоотию коммуникатсионӣ баррасӣ гардид
Ҷаласаи Шурои ҳамоҳангсозӣ оид ба масъалаҳои омӯзиши касбии кормандони бонкҳои марказӣ (миллӣ) доир шуд
ҚУРБИ АСЪОР: дар Тоҷикистон 1 рубли русӣ аз 0.1171 то 0.1195 сомонӣ муқаррар шудааст
ҚУРБИ АСЪОР: дар Тоҷикистон 1 доллари ИМА аз 9.3681 то 9.4300 сомонӣ муқаррар шудааст
Дар Душанбе масъалаҳои омодагӣ ва баргузории ҷаласаи 67-уми Шурои электроэнергетикии ИДМ муҳокима гардид
Рушди низоми бонкии Тоҷикистон бо таҳлилгарони ширкати байналмилалии рейтинги «Moody’s Investor Service» баррасӣ гардид
ҚУРБИ АСЪОР: дар Тоҷикистон 1 евро аз 10.9278 то 11.1000 сомонӣ муқаррар шудааст