Дар Тоҷикистон сохтмони 6 иншооти озмоишӣ ва марказҳои таъминоти бехатарии молу маҳсулот идома дорад
ДУШАНБЕ, 28.07.2023. /АМИТ «Ховар»/. Бо мақсади таъмини бехатарии маҳсулоти озуқаворӣ ва ташхису назорати он аз ҷониби Кумитаи бехатарии озуқавории назди Ҳукумати Ҷумҳурии Тоҷикистон 6 иншооти озмоишӣ ва марказҳои таъминоти бехатарии молу маҳсулот бунёд мешаванд. Дар ин хусус имрӯз зимни нишасти матбуотӣ Раиси Кумитаи бехатарии озуқавории назди Ҳукумати Ҷумҳурии Тоҷикистон Муҳаммадсаид Файзуллозода ба намояндагони воситаҳои ахбори омма хабар дод.
«Аз ҷумла, Кумита сохтмони биноҳои Озмоишгоҳи ҷумҳуриявии санҷиши сифати маҳсулоти кишоварзӣ дар шаҳри Душанбе, Раёсати Кумита дар вилояти Хатлон, марказҳои таъминот ва ташхиси бехатарии озуқаворӣ дар шаҳри Конибодом, ноҳияҳои Мурғоб, Кӯшониён, Файзобод ва Фархорро ба нақша гирифтааст. Дар айни замон кор дар ин иншоот бо маром идома дошта, дар муҳлатҳои муқарраргардида ба истифода дода мешаванд», -гуфт раиси Кумита.
Ҳамзамон дар нишасти матбуотӣ иттилоъ дода шуд, ки барои вайрон намудани қоидаҳои байторию фитосанитарӣ ҳангоми воридоти борҳо дар давраи ҳисоботӣ нисбат ба 72 нафар соҳибкорон санадҳои ҳуқуқвайронкунии маъмурӣ тартиб дода шуда, маблағи ҷаримаи татбиқшуда дар ҳаҷми 114 ҳазору 608 сомонӣ пурра ба буҷаи ҷумҳуриявӣ ворид гардид.
Зарангези ЛАТИФ,
АМИТ «Ховар»
АКС: АМИТ «Ховар»
Дар Қирғизистон ҷаласаи Шурои вазирони мудофиаи кишварҳои аъзои Иттиҳоди Давлатҳои Мустақил доир шуд
«БА ВАТАН СОДИҚОНА ХИЗМАТ МЕКУНЕМ!». Дар Донишкадаи тарбияи ҷисмонии Тоҷикистон ҳамоиш доир шуд
Дар Душанбе нақшаи даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон пурра иҷро гардид
Байни Суди Олии Тоҷикистон ва Созмони умумиҷаҳонии моликияти зеҳнӣ Ёддошти тафоҳум оид ба ҳамкорӣ ба имзо расид
Дар Тоҷикистон нақшаи даъвати тирамоҳӣ ба сафи Қувваҳои Мусаллаҳ 84 фоиз иҷро шуд
Дар ноҳияи Исмоили Сомонии шаҳри Душанбе нақшаи даъвати ҳарбӣ 100 фоиз иҷро гардид
Намояндагони мақомоти судии Тоҷикистон ва Узбекистон дар Минск густариши муносибатҳои судӣ-ҳуқуқиро баррасӣ намуданд
Ноҳияи Шоҳмансури шаҳри Душанбе нақшаи даъвати ҳарбиро 100 фоиз иҷро намуд
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Хуҷанд 100 фоиз иҷро гардид
Машварати понздаҳуми Шурои марказии Ҷамъияти ихтиёрии мусоидат ба артиш, авиатсия ва флоти ИДМ доир шуд
Бонки миллии Тоҷикистон ҳушдор медиҳад, ки ҳангоми истифодаи хизматрасонии бонкии рақамӣ эҳтиёткор бошед
Ҷавонони шаҳри Турсунзода бо гирифтани шаҳодатномаи ронандагӣ ба хизмати ҳарбӣ рафтанд
