Дар Узбекистон интихоботи президентӣ баргузор мешавад
ДУШАНБЕ, 07.07.2023 /АМИТ «Ховар» /. 9 июли соли 2023 дар Узбекистон интихоботи президентӣ баргузор мешавад. Тавре ба АМИТ «Ховар» дар Сафорати Ҷумҳурии Узбекистон дар Ҷумҳурии Тоҷикистон хабар доданд, дар асоси қарори Комиссияи марказии интихоботии Ҷумҳурии Узбекистон дар назди Сафорат қитъаи интихоботии № 42 ташкил карда шудааст, ки марбут ба ҳавзаи интихоботии Тошканд № 14 оид ба интихоботи президенти Узбекистон мебошад. Китъаи интихоботӣ дар суроғаи шаҳри Душанбе, кўчаи Саноӣ, хонаи№30 воқеъ гардидааст.
Ба иттилои манбаъ, ба манзури таъмини ҳуқуқи интихоботии шаҳрвандони Узбекистон комиссияи интихоботии ҳавзаи интихоботии рақами 42 дар шаҳрҳои Турсунзода, Бохтар, Ваҳдат, Хуҷанд ва Истаравшан раъйдиҳии пеш аз мӯҳлат баргузор кардааст. Бояд тазаккур дод, ки ҷараёни баргузории интихоботи президентиро дар Узбекистон дар радифи беш аз 700 нозирони байналмилалӣ 12 нозири тоҷик низ мушоҳида мекунанд.
Инчунин ҷараёни баргузории интихоботи президентиро дар ин давлат беш аз 1200 нафар намояндагони воситаҳои ахбори оммаи давлатӣ ва мустақили маҳаллӣ ва хориҷӣ, аз ҷумла Ҷумҳурии Тоҷикистон инъикос менамоянд.
АКС: Сафорати Ҷумҳурии Узбекистон дар Ҷумҳурии Тоҷикистон
Ҳамоиши Воситаҳои ахбори омма ва марказҳои таҳлилии СҲШ дар Чжэнчжоу баргузор мешавад
Дар натиҷаи суқути ҳавопаймои Ан-24 дар вилояти Амури Русия ҳамаи мусофирон ҳалок шуданд
Бемориҳои музмини ғайрисироятӣ ҳамасола сабаби 1,8 миллион марги пешгиришаванда мегарданд
Пешгӯиҳои ҳарорат барои соли 2050 аз соли 2025 оғоз мегарданд
Коршиносони ИДМ лоиҳаи Нақшаи чорабиниҳо бахшида ба 35-солагии Иттиҳодро мувофиқа намуданд
Бинобар гармии рекордӣ дар Чин талабот ба неруи барқ ба нуқтаи баландтарин расид
Хисороти аз офатҳои табиӣ расида дар Чин аз 7,5 миллиард доллар зиёд шуд
Гармои шадид дар Испания дар ду моҳи охир сабаби марги 1180 нафар гардид
Бар асари боронҳои мавсимӣ ва обхезии шадид дар Покистон 104 нафар ҳалок гардид
Бархе аз минтақаҳои Аврупоро гармои шадид фаро гирифт
Бар асари фаромадани ярч ва обхезӣ дар шимоли Ҳиндустон 51 нафар ҳалок гардид
Созмони ҷаҳонии тандурустӣ чораҳои муҳофизат аз гармии тобистонро пешниҳод менамояд
