«ОЗМУНИ ДАСТАРХОНОРОӢ». Дар Душанбе даври шаҳрии озмуни ҷумҳуриявӣ баргузор гардид
ДУШАНБЕ, 27.07.2023. /АМИТ «Ховар»/. 26 июл дар шаҳри Душанбе даври шаҳрии «Озмуни дастархонороӣ» баргузор гардид.Дар ин хусус ба АМИТ «Ховар» дар Мақомоти иҷроияи ҳокимияти давлатии шаҳри Душанбе хабар доданд.
Таъкид кардан ба маврид аст, ки мақсад аз ташкил ва гузаронидани озмун- дар амал татбиқ намудани амри Президенти Ҷумҳурии Тоҷикистон аз 3 январи соли 2023 буда, имконият фароҳам меорад, ки бо истифода аз сарфакорона ва моҳирона (ҳунармандона) оростан сифати дастархон дар тӯю маъракаҳо беҳтар ва хоксорона гардад.
Зимнан, чунин озмунҳо ҷиҳати баланд бардоштани фарҳанги маъракаороӣ, риояи Қонуни Ҷумҳурии Тоҷикистон “Дар бораи танзими анъана ва ҷашну маросим дар Ҷумҳурии Тоҷикистон” заминаи мусоид фароҳам меоваранд.
Дар озмун нафароне, ки дар сатҳи ноҳиявӣ, аз ҷумла дар озмунҳои ноҳияҳои И.Сомонӣ, Шоҳмансур, Сино ва Фирдавсӣ ҷойи якумро ишғол намуда, ба даври шаҳрӣ роҳхат гирифта буданд, иштирок намуданд.
Нахуст ҳайати ҳакамон аз дастархони омоданамудаи довталабон дидан намуда, бо дарназардошти тарзи истифодаи сарфакоронаю моҳирона оростани дастархон, зебо, хушоянд ва дилписанд будани он, риояи анъанаҳои миллӣ ва ба замона мутобиқат намудани дастархони оросташуда ба он баҳо гузоштанд. Баъдан ғолибони озмун муайян карда шуданд.
Ғолибони озмун бо диплом ва мукофотҳои пулӣ, аз ҷумла ҷойҳои якум- 5000 сомонӣ, дуюм- 3000 сомонӣ ва сеюм- 1500 сомонӣ ҳавасманд гардонида шуданд.
Инчунин барои иштироки фаъолона дар озмун довталабе, ки ҷойҳои намоёнро ишғол накард, бо сипосномаи Мақомоти иҷроияи ҳокимияти давлатии шаҳри Душанбе сарфароз гардонида шуд.
Ғолиби ҷойи якум барои иштирок дар озмуни сатҳи ҷумҳуриявӣ, ки аз ҷониби Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон баргузор мегардад, пешниҳод мешавад.
АКС: Мақомоти иҷроияи ҳокимияти давлатии шаҳри Душанбе
Бахшида ба Рӯзи Конститутсия дар мавзуи «Асосҳои конститутсионии муқовимат ба коррупсия» ҳамоиш доир шуд
Дар Душанбе оид ба таҳияи нақшаи чорабиниҳои 40-солагии истиқлолияти давлатӣ ҷаласаи гурӯҳи корӣ доир шуд
31 ОКТЯБР — РӮЗИ ҶАҲОНИИ ШАҲРҲО. Дар хиёбони Саъдии Шерозии Душанбе 3 эстакадаи дусатҳа бунёд мегардад
Шаҳри Душанбе бо ба даст овардани 65 ҷой ғолиби Озмуни ҷумҳуриявии «Илм – фурӯғи маърифат» гардид
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор гардид
Рустами Эмомалӣ дар кӯчаи Абдулаҳад Қаҳҳорови ноҳияи Фирдавсии пойтахт бо гузоштани санги асос ба сохтмони 3 эстакада ва як пул оғоз бахшиданд
Бо мақсад рушди ҳамкории сайёҳӣ ҳайати шаҳри Душанбе ба музофоти Хайнани Чин сафар намуд
Рустами Эмомалӣ дар ноҳияи Дарвоз аз маҷмааи сайëҳию истироҳатии «Чорчаман» дидан намуданд
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Рустами Эмомалӣ дар деҳоти Қалъаи Хумби ноҳияи Дарвоз бо фаъолияти комплекси сайёҳии «ЗЕВ-С» ва намоишгоҳи ҳунарҳои мардумӣ шинос шуданд
Рустами Эмомалӣ бо сафари корӣ ба ноҳияи Дарвози Вилояти Мухтори Кӯҳистони Бадахшон ташриф оварданд
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор мегардад
