Тоҷикистон ҳамеша ҷонибдори ҳалли мусолиматомези қазияи Афғонистон буд ва дар ин мавқеъ устувор мемонад
ДУШАНБЕ, 20.07.2023 /АМИТ «Ховар»/. Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳамчун сиёсатмадори ботаҷриба ва дурандеш дар ҳама ҳамоишҳои байналмилаливу минтақавие, ки иштирок мекунанд, бо итифода аз минбарҳои баланд ва имконияти мавҷуда таваҷҷуҳи ҷомеаи ҷаҳониро ба давлати дӯсту ҳамсояи мо — Афғонистон ҷалб мекунанд.
19 июл дар шаҳри Ҷиддаи Шоҳигарии Арабистони Саудӣ нахустин вохӯрии Сарони давлатҳои Осиёи Марказӣ ва кишварҳои арабии Халиҷ баргузор гардид. Президенти Ҷумҳурии Тоҷикистон муҳтарам Эмомалӣ Раҳмон зимни суханронӣ оид ба рақобатҳои геополитикии глобалӣ, дигаргуниҳои куллӣ дар низоми равобити байналмилалӣ, шиддат гирифтани таҳдиду хатарҳои амниятӣ изҳори нигаронӣ намуданд. Аз ҷониби Сарвари давлати тоҷикон пешниҳод гардид, ки барои ҳалли қазияҳои минтақавӣ ва байналмилалӣ тамосу ҳамкории бештар ба роҳ монда шавад. Ҳамкорӣ дар самти муқовимат бо ҷинояткории муташаккили фаромарзӣ, аз ҷумла мубориза ба муқобили гардиши ғайриқонунии маводи мухаддир ба таври муассир пурзӯр карда шавад.
Эмомалӣ Раҳмон ба сарони кишварҳои арабӣ ва Осиёи Марказӣ муроҷиат намуда, гуфтанд: «Дар ин росто мехоҳам таваҷҷуҳи шуморо ба вазъи мураккаби низомиву сиёсӣ ва иқтисодиву иҷтимоии Афғонистон низ ҷалб намоям. Тоҷикистон ҳамеша ҷонибдори ҳалли мусолиматомези қазияи Афғонистон буд ва дар ин мавқеъ устувор мемонад».
Оид ба роҳи ҳалли мушкилоти Афғонистон Сарвари давлати тоҷикон муҳтарам Эмомалӣ Раҳмон таъкид намуданд, ки «дар баробари ин, мо бар онем, ки таъсиси ҳукумати ҳамашумул бо иштироки фаъоли намояндагони ҳамаи гурӯҳҳои қавмию сиёсӣ ва иҷтимоӣ, таъмини ҳуқуқу озодиҳои шаҳрвандон, бахусус занону духтарон метавонад дар Афғонистон заминаи устувори истиқрори сулҳу суботро фароҳам оварад. Мо аз ҳама гуна талошҳои сиёсиву дипломатӣ ҷиҳати ҳалли мушкилоти Афғонистон ва тадбирҳои расонидани кумакҳои гуманитарӣ ба мардуми он ҷонибдорӣ менамоем».
А. САНГЗОДА,
АМИТ «Ховар»
АКС: АМИТ «Ховар»
Ҳайати Тоҷикистон дар амалиёти зерминтақавии зиддимухадиротии СААД дар вилояти Калинингради Русия иштирок намуд
Дар шоҳроҳи Душанбе — Кӯлоб — Хоруғ бар асари садамаи нақлиётӣ 11 нафар ба ҳалокат расид
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
ЧАРО ҲОЛАТҲОИ ҒАРҚШАВӢ КАМ НАМЕШАВАНД? Мутахассисон риояи қоидаҳои бехатариро омили асосии пешгирии ҳодисаҳои нохуш медонанд
Дар Вазорати мудофиа оид ба саҳми Артиши миллӣ дар таҳкими сулҳу субот ва Ваҳдати миллӣ ҳамоиш доир шуд
«Ҳифзи суботу оромии кишвар масъулияти ҳар як шаҳрванди ватандӯст мебошад», — бардошт аз ҳамоиш дар мақомоти милитсияи пойтахт
Дар Прокуратураи генералӣ бахшида Рӯзи Ваҳдати миллӣ ҷамъомади тантанавӣ баргузор шуд
НАШЪАМАНДӢ-ВАБОИ АСР. Саломатӣ ва озодиро интихоб намо, на вобастагиро!
Ҷаласаи Платформаи миллии Ҷумҳурии Тоҷикистон оид ба паст кардани хавфи офатҳои табиӣ дар соли 2026 баргузор гардид
Кормандони гумрук аз гардиши ғайриқонунӣ 4 қуттӣ маҳсулоти тамокуӣ дарёфт ва мусодира намуданд
Байни Агентии назорати маводи нашъаовари Тоҷикистон ва Вазорати корҳои дохилии Русия Созишномаи ҳамкорӣ ба имзо расид
Прокурори ҳарбии гарнизони Суғд: «Нақши Ваҳдати миллӣ дар рушди Қувваҳои Мусаллаҳ ва ҳифзи манфиатҳои миллӣ беназир аст»
