Ҳамкории Вилояти Мухтори Кӯҳистони Бадахшон бо Ҷумҳурии Мардумии Чин густариш меёбад
ДУШАНБЕ, 15.08.2023. /АМИТ «Ховар»/. Роҳбарияти Вилояти Мухтори Кӯҳистони Бадахшон ва намояндагони Ноҳияи худмухтори Шинҷону Уйғури Ҷумҳурии мардумии Чин хостори тавсеаи ҳамкории дуҷониба дар соҳаи иқтисоду кишоварзӣ, рушди сайёҳӣ ва дигар соҳаҳо шуданд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии вилоят хабар медиҳад.
Дар Вилояти Мухтори Кӯҳистони Бадахшон бо намояндагони ноҳияи худмухтори Шинҷону Уйғури Ҷумҳурии мардумии Чин, ки ҷиҳати иштирок дар Форуми байналмилалии соҳибкориву сармоягузории «Помиринвест-2023» ба вилоят омадаанд, вохӯрӣ доир гардид.
Таъкид шуд, ки таҳти сиёсати хирадмандона ва инсонпарваронаи Асосгузори сулҳу ваҳдати миллӣ –Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон робитаҳои дӯстии ду давлат дар сатҳи баланд амалӣ мешаванд.
Рохбарияти ноҳияи Худмухтори Шинҷону Уйғури Ҷумҳурии мардумии Чин баён доштанд, ки табодули молу маҳсулот дар зарфи 20 соли охир ба таври бесобиқа тариқи гарданаи Қулма рушд намудааст.
Ба масъалаи рушди соҳаи кишоварзӣ ва парвариши зироати кишоварзӣ, зиёд намудани ҳаҷми маҳсулоти ба содирот нигаронида, ташкили омӯзишҳои соҳавӣ бо деҳқонони ноҳияҳои вилоят ва афзун намудани содироти маҳсулоти кишоварзии вилоят ва ноҳияҳои дигари Ҷумҳурии Тоҷикистон ба кишвари ҳамсарҳади Чин ҳавасмандӣ зоҳир карда шуд.
Ҷонибҳо изҳори умедворӣ намуданд, ки дар баробари сармоягузорӣ ба иқтисоди вилоят дар оянда ҳамчунин ҳамкориро дар самти роҳу нақлиёт, кишоварзӣ, маориф ва туризм дар сатҳи зарурӣ бояд амалӣ намуд.
АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон
Дар вилояти Суғд шумораи корхонаҳои саноатӣ нисбат ба соли 1991 беш аз ҳазор адад зиёд шудааст
Дар ҳавзаи дарёи Кофарниҳон се стансияи худкори обуҳавосанҷӣ насб карда шуд
Ҷаласаи Комиссияи байниидоравӣ оид ба муқовимат ба қонунигардонии даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом доир гардид
Дар ноҳияи Мастчоҳ тадбирҳои агротехникӣ барои ҷамъоварии ҳосили зироат идома доранд
Дар Душанбе нахустин Форум ва намоишгоҳи байналмилалии саноати хӯрокворӣ — Тоҷикистон-2026 оғоз ёфт
«ИСТИҚЛОЛ» — ЗУҲУРОТИ НАВИ АМЕТИСТ. Он бахшида ба 35-солагии Истиқлоли давлатии Ҷумҳурии Тоҷикистон номгузорӣ шудааст
Дар ҷаласаи Кумитаи байнидавлатии авиатсионӣ ифтитоҳи хатсайрҳои нави ҳавоӣ байни Тоҷикистон ва кишварҳои ИДМ баррасӣ шуд
Раванди татбиқи барномаи иммунопрофилактика ва Консепсияи иқтисоди рақамӣ баррасӣ шуд
Хати магистралии алоқаи «Душанбе–Хоруғ–Қулма» то охири моҳи сентябр ба истифода дода мешавад
Нахустин гурӯҳи роҳбаладони «Shohin Airlines» барои гузаштани омӯзиши касбӣ ба Turkish Aviation Academy фиристода шуд
Дар Душанбе оид ба ҳифзи пиряхҳо дар шароити тағйирёбии иқлим конфронси байналмилалӣ доир шуд
35 СОЛИ СОҲИБИСТИҚЛОЛИИ ТОҶИКИСТОН. Шумораи корхонаҳои парандапарварӣ қариб 11 маротиба бештар шуд
