«ҲАЁТИ СОЛИМ-ИНТИХОБИ МОСТ». Кумитаи кор бо ҷавонон ва варзиш байни аҳолӣ аксияи ташвиқотӣ доир намуд

Август 19, 2023 15:15

ДУШАНБЕ, 19.08.2023. /АМИТ «Ховар»/. Бахшида ба Рӯзи кормандони соҳаи тиб намояндагони Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар муассисаҳои ҷумҳуриявӣ ва шаҳрӣ бо табибони ҷавон вохӯрӣ намуда, бо назардошти фаъолияти пурсамар як гурӯҳ табибони ҷавон ва кормандони соҳаро бо Сипосномаи Кумита ва туҳфаҳои хотиравӣ қадрдонӣ намуданд, хабар медиҳад АМИТ «Ховар» бо истинод ба Раёсати кор бо ҷавонони дастгоҳи марказии кумита.

Ҳамзамон бо мақсади ба аҳолӣ фаҳмонидани тарзи ҳаёти солим  бо иштироки волонтёрони Кумита аксияи ташвиқотии «Ҳаёти солим-интихоби мост» доир шуд.

Дар вохӯрӣ тазаккур дода шуд, ки давоми солҳои охир бо таваҷҷуҳи пайвастаи роҳбарияти олии мамлакат соҳаи тандурустӣ ба дастовардҳои назаррас ноил гардида, сатҳу сифати хизматрасонӣ ба сокинон ба маротиб беҳтар гардидааст.

Зимни ҳамоиш фаъолияти табибону кормандони соҳаи тиб, заҳмату меҳнати духтурони оилавӣ ва ҳамшираҳои шафқат намунаи олии хизмат ба халқу Ватан арзёбӣ гардид.

Бояд гуфт, ки дар ҷумҳурӣ баҳри омодасозии мутахассисони соҳаи тандурустӣ ду донишгоҳ-Донишгоҳи давлатии тиббии Тоҷикистон ба номи Абӯалӣ ибни Сино ва Донишгоҳи давлатии тиббии Хатлон, се донишкада- МТҒ «Донишкадаи тиббӣ-иҷтимоии Тоҷикистон», Донишкадаи такмили ихтисоси баъдидипломии кормандони тиб, Муассисаи давлатии таълимии «Донишкадаи такмили ихтисоси кормандони низоми ҳифзи иҷтимоии аҳолӣ» ва 35 коллеҷи тиббии давлативу хусусӣ фаъолият менамоянд.

Танҳо дар соли таҳсили 2022-2023 шумораи хатмкардаҳои муассисаҳои таҳсилоти олии касбии тиббӣ 2349 ва кормандони миёнаи тиббӣ 14 ҳазору 255 нафарро ташкил дод.

Теъдоди донишҷӯёни соли таҳсили 2022-2023-и муассисаҳои таҳсилоти олии касбӣ 20098 ва донишҷӯёни муассисаҳои таҳсилоти миёнаи касбӣ 61621 нафарро ташкил медиҳад, ки нисбат ба ҳамин давраи соли гузашта 2441 ва 1294 нафар зиёд мебошад.

АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон

Август 19, 2023 15:15

Хабарҳои дигари ин бахш

МУҶАССАМАИ «ДУОИ МОДАР» ДАР ХУҶАНД. Он рамзи муҳаббат, эҳтиром ва арҷгузорӣ нисбат ба бузургии Модар мебошад
Соли 2024 дар шаҳри Кӯлоб 3 муассисаи замонавӣ ва синфхонаҳои иловагӣ сохта мешаванд
Имрӯз дар Тоҷикистон ҳавои тағйирёбанда шуда, дар баъзе ноҳияҳо туман мефарояд
ҚУРБИ АСЪОР: дар Тоҷикистон 1 доллари ИМА аз 10.9599 то 10.9800 сомонӣ муқаррар шудааст
Дар Донишгоҳи давлатии молия ва иқтисоди Тоҷикистон Озмуни ҷумҳуриявии «Беҳтарин барномасоз» ҷамъбаст шуд
Тавсияи Вазорати нақлиёти Тоҷикистон: «Бинобар хатари фаромадани тарма ва яхбандӣ ронандагон бе зарурат ба роҳ набароянд»
Бар асари барфи зиёд ва сармои сахт дар Афғонистон 9 нафар ҳалок ва ду нафар захмӣ шуданд
Дар Душанбе дар доираи татбиқи «Барномаи давлатии муқовимат ба ҷинояткорӣ дар Ҷумҳурии Тоҷикистон барои солҳои 2021-2030» ҳамоиш доир шуд
«Parimatch – Тоҷикистон» таблиғи баҳориро оғоз менамояд!
Дар Покистон бар асари боронҳои шадид 28 нафар ҳалок ва 50 нафари дигар захмӣ шуданд
12 март Иҷлосияи ҳабдаҳуми Маҷлиси вакилони халқи шаҳри Душанбе, даъвати шашум баргузор мешавад
То чӣ андоза зуд мо бе алоқа мемонем?