Бахшида ба Рӯзи кормандони соҳаи тиб дар Беморхонаи клиникавии вилояти Суғд ҳамоиши тантанавӣ баргузор шуд
ДУШАНБЕ, 17.08.2023 /АМИТ «Ховар»/. 16 август дар Беморхонаи клиникавии вилояти Суғд бахшида ба Рӯзи кормандони соҳаи тиб, ки ба 18 август рост меояд, ҳамоиши тантанавӣ баргузор гардид. Дар ин хусус ба АМИТ «Ховар» дар Кумитаи иҷроияи Ҳизби Халқии Демократии Тоҷикистон дар шаҳри Хуҷанд хабар доданд.
Раиси Кумитаи иҷроияи Ҳизби Халқии Демократии Тоҷикистон дар шаҳри Хуҷанд иброз дошт, ки «маҳз бо иқдомҳои Президенти Ҷумҳурии Тоҷикистон муҳтарам Эмомалӣ Раҳмон ва Ҳукумати мамлакат сол ба сол маблағгузории соҳаи тандурустӣ афзуда, садҳо иншооти нави тиббӣ ба истифода дода шудаанд. Ҳамзамон муассисаҳои мавҷудаи тиббӣ таъмиру навсозӣ гардида, бо таҷҳизоти муосири тиббӣ ва мутахассисони соҳибтаҷриба таъмин шудаанд.
Ҳифзи саломатӣ ва таъмини тандурустии аҳли ҷомеа яке аз самтҳои афзалиятноки Барномаи Ҳизби Халқии Демократии Тоҷикистон дар солҳои 2020-2025 маҳсуб шуда, пешрафту беҳдошти ин соҳаи муҳим мавриди таваҷҷуҳ ва эътибори Пешвои миллат муҳтарам Эмомалӣ Раҳмон қарор гирифтааст.
Гуфта шуд, ки Ҳизби Халқии Демократии Тоҷикистон дар заминаи таъмин намудани сиёсати давлат бо дарназардошти он ки маҳз солимии миллат пояндагии онро таъмин намуда метавонад, барномаи худро тартиб дода, таъмини дастрасии мардум ба хизматрасонии сифатноки тиббиро маҳз бо роҳи мукаммалсозии низоми идоракунии соҳаи тандурустӣ имконпазир шуморид. Бо ин мақсад ҷорӣ намудани рақобати солим, ташаккули хизматрасонӣ бо истифода аз технологияҳои муосир ва таъмини мутахассисони соҳибкасби соҳа амалӣ мегардад.
Дар фарҷоми ҳамоиш фаъолон бо Сипосномаю туҳфаҳои Кумитаи иҷроияи Ҳизби Халқии Демократии Тоҷикистон дар шаҳри Хуҷанд, ифтихорномаву сипоснома ва туҳфаҳои беморхона, инчунин бо нишони сарисинагии Аълочии тандурустии Тоҷикистон сарфароз гардонида шуданд.
АКС: КИ Ҳизби Халқии Демократии Тоҷикистон дар шаҳри Хуҷанд
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
