Бар асари суқути ҳавопаймо дар Малайзия 10 нафар ба ҳалокат расид
ДУШАНБЕ, 18.08.2023 /АМИТ «Ховар»/. Бар асари суқути ҳавопаймои Beechcraft 390 дар шоҳроҳи Малайзия 10 нафар ба ҳалокат расиданд. Тавре АМИТ «Ховар» бо истинод ба ТАСС иттилоъ медиҳад, дар ин хусус полиси Малайзия хабар додааст.
Ин ҳодиса дар иёлати ғарбии Селангори наздикии шаҳри Шоҳ-Алам рух додааст. Ҳавопаймо ба роҳи мошингард афтода, сипас ба мошин ва мототсикл бархӯрдааст. Пас аз бархӯрдан сӯхтори шадид ба амал омада, дар натиҷаи ин ҳодиса ду халабон, шаш мусофир, инчунин ронандагони мошин ва мототсикл ба ҳалокат расиданд.
Маълум гардид, ки ҳавопаймои Beechcraft 390 аз ҷазираи осоишгоҳии Лангкави ба фурудгоҳи Субанг, ки тақрибан даҳ километр дуртар аз ҷои садама ҷойгир аст, парвози маҳаллӣ анҷом додааст. Дар ҷои ҳодиса хадамоти фаврӣ ва полис фаъолият доранд. Тафтиши ҳодиса оғоз шудааст.
Азиза ИКРОМ,
АМИТ «Ховар»
АКС аз манбаъҳои боз
Имрӯз дар шаҳри Душанбе ҳаво то 44 дараҷа гарм мешавад
20 июл дар Вазорати рушди иқтисод ва савдо, Бонки миллӣ ва Агентии омор нишасти матбуотӣ баргузор мегардад
Имрӯз дар водиҳои Тоҷикистон ҳаво то 43 дараҷа гарм мешавад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
