«БЕҲТАРИН ХИЗМАТЧИИ ДАВЛАТӢ АЗ ҲИСОБИ ЗАНОН». Дар Душанбе бахши якуми озмуни ҷумҳуриявӣ оғоз гардид
ДУШАНБЕ, 25.08.2023. /АМИТ «Ховар/. Тавре қаблан хабар додем, 23 август дар Академияи идоракунии давлатии назди Президенти Ҷумҳурии Тоҷикистон даври шаҳрии бахши якуми Озмуни ҷумҳуриявии «Беҳтарин хизматчии давлатӣ аз ҳисоби занон» дар байни занон- хизматчиёни давлатии Мақомоти иҷроияи ҳокимияти давлатии шаҳри Душанбе оғоз гардид. Дар ин хусус АМИТ «Ховар» бо истинод ба Агентии хизмати давлатии назди Президенти Ҷумҳурии Тоҷикистон хабар медиҳад.
Дар рӯзи аввали озмун довталабон тибқи низомнома кори санҷишӣ (диктант) бо забони русӣ, иншо бо забони давлатӣ ва кор бо компютерро супориданд.
Бояд гуфт, ки озмуни мазкур дар шаҳри Душанбе дар асоси қарори Раиси шаҳри Душанбе аз 8 августи соли 2023 «Дар бораи баргузор намудани Озмуни ҷумҳуриявии «Беҳтарин хизматчии давлатӣ аз ҳисоби занон дар шаҳри Душанбе» ҷиҳати муайян намудани беҳтарин занони хизматчии давлатии мақомоти иҷроияи ҳокимияти давлатии шаҳри Душанбе ва ноҳияҳои шаҳри Душанбе 23-24 август баргузор мешавад.
Озмуни мазкур бо ташаббуси Кумитаи кор бо занон ва оилаи назди Ҳукумати Ҷумҳурии Тоҷикистон дар ҳамкории мутақобилан судманд бо Агентии хизмати давлатии назди Президенти Ҷумҳурии Тоҷикистон тибқи банди 2-и Нақшаи амали Барномаи давлатии тарбия, интихоб ва ҷобаҷогузории кадрҳои роҳбарикунанда аз ҳисоби занону духтарони болаёқат барои солҳои 2023-2030, ки бо қарори Ҳукумати Ҷумҳурии Тоҷикистон аз 27 апрели соли 2022 тасдиқ шудааст, доир шуда истодааст.
Мақсади он тақвият бахшидан ба донишу малака ва касбияти занон-хизматчиёни давлатӣ, баланд бардоштани ҳисси ватандӯстию ифтихори миллӣ, таъмини ҳуқуқу манфиатҳои занон ва омода намудани кадрҳои роҳбарикунанда аз ҳисоби занону духтарони болаёқат дар соли 2023 дар сатҳи ҷумҳурӣ мебошад.
АКС: Агентии хизмати давлатии назди Президенти Ҷумҳурии Тоҷикистон
Форуми илмии байналмилалии «Илмҳои геологии Осиёи Марказӣ – 2026» доир гардид
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
«ТОҶИКОНА МЕПӮШЕМ!». Дар Донишгоҳи давлатии Бохтар иқдоми ҷумҳуриявӣ доир шуд
ПУРСИДЕД, ҶАВОБ МЕДИҲЕМ. Кадом қонуншиканиҳо метавонанд боиси ихроҷи муҳоҷирони тоҷик аз Русия гарданд?
ДАР ПАЙРАВӢ БА ИҚДОМҲОИ ПЕШВОИ МИЛЛАТ. Дар ноҳияи Рашт ба 80 оилаи ниёзманд ангишт кумак карда шуд
Дар ноҳияи Файзобод китобхона, кӯдакистон ва синфхонаҳои иловагӣ ба истифода дода шуданд
Нақшаи буҷети суғуртаи иҷтимоӣ ва нафақа дар вилояти Суғд беш аз 100 фоиз иҷро гардид
ИМРӮЗ–РӮЗИ ИТТИФОҚҲОИ КАСАБА. Беш аз 15 ҳазор аъзои иттифоқи касаба ба солимгардонӣ фаро гирифта шуданд
Бахшида ба Рӯзи байналмилалии бабри барфӣ дар Хоруғ конфронси илмӣ-амалӣ доир шуд
ПУРСИДЕД, ҶАВОБ МЕДИҲЕМ. Доғи судӣ чӣ гуна метавонад монеаи гирифтани патент дар Федератсияи Русия гардад?
Оид ба идоракунии инноватсионии давлатӣ дар шароити трансформатсияи иқтисоди рақамӣ дар Тоҷикистон ҳамоиш доир шуд
Дар Самарқанд Саммити ҷаҳонӣ доир ба некӯаҳволии кӯдакон баргузор гардид
