Дар 40 корхонаи саноатии Кӯшониён 60 намуди маҳсулот истеҳсол карда мешавад
ДУШАНБЕ, 08.08.2023. /АМИТ «Ховар»/. Имрӯзҳо дар ноҳияи Кушониёни вилояти Хатлон 40 корхонаи саноатӣ фаъолият менамоянд. Дар ин хусус зимни нишасти матбуотии Мақомоти иҷроияи ҳокимияти давлатии ноҳия иттилоъ доданд.
Иброз гардид, ки имрӯз дар ноҳия ҳудуди 60 намуд маҳсулоти саноатӣ истеҳсол мешаванд. Дар 6 моҳи соли 2023 1555 ҷойи нави корӣ таъсис дода шуд, ки 54,8 фоизи нақшаро ташкил медиҳад.
Иброз гардид, ки дар давраи ҳисоботӣ ба буҷетӣ маҳаллӣ 32 миллиону 580 ҳазору 104 сомонӣ маблағ ворид шудааст, ки нисбат ба нақшаи пешбинишуда 515 ҳазору 113 сомонӣ зиёд буда, 101,6 фоизи нақшаи муайяншударо ташкил менамояд. Он дар муқоиса ба ҳамин давраи соли гузашта 2 миллиону 100 ҳазор сомонӣ зиёд мебошад.
Дар айни замон дар ноҳия 8 лоиҳаи сармоягузории давлатӣ амалӣ гардида истодааст, ки маблағи умумии азхудшуда 158,4 миллион доллари амрикоиро ташкил медиҳад.
Ҳамзамон дар мавриди омодагии ҳамаҷониба ба ҷашни 35-солагии Истиқлолияти давлатии Ҷумҳурии Тоҷикистон сохтмони 252 иншооти гуногун ба нақша гирифта шуда, ба ҳолати 1 июли соли 2023 57 адади он мавриди истифода қарор дода шуданд.
АКС: Мақомоти иҷроияи ҳокимияти давлатии ноҳияи Кӯшониён
13 август дар филиалҳои Донишгоҳи давлатии Москва, Донишгоҳи миллии таҳқиқотии технологӣ «МИСИС» ва Мақомоти иҷроияи ҳокимияти давлатии шаҳри Ҳисор нишасти матбуотӣ доир мегардад
НИШАСТИ МАТБУОТӢ. Аз ноҳияи Тоҷикобод 20 ҳазору 600 тонна маҳсулоти кишоварзӣ содирот гардид
НИШАСТИ МАТБУОТӢ. Дар Донишкадаи тиббии иҷтимоии Тоҷикистон Маркази таҳсилоти баъдидипломӣ таъсис дода шуд
НИШАСТИ МАТБУОТӢ. Дар ноҳияи Рӯдакӣ дар шаш моҳ ба маблағи беш аз 487 миллион сомонӣ маҳсулоти саноатӣ истеҳсол карда шуд
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Дар Тоҷикистон ҷамъоварии ҳосили гандум идома дорад
Дар Тоҷикистон Фестивали якуми байналмилалии санъати сиркӣ баргузор мегардад
Имрӯз дар Тоҷикистон ҳаво то 39 дараҷа гарм мешавад
