Дар Бадахшон Ассотсиатсияи моҳипарварон таъсис дода шуд
ДУШАНБЕ, 27.08.2023. /АМИТ «Ховар»/. Дар назди Раёсати кишоварзии Вилояти Мухтори Кӯҳистони Бадахшон Ассотсиатсияи моҳипарварон таъсис дода шуд, иттилоъ медиҳад АМИТ «Ховар» бо истинод ба Мақомоти иҷроияи ҳокимияти давлатии Вилояти Мухтори Кӯҳистони Бадахшон.
Инчунин бо мақсади рушд додани соҳаи моҳипарварӣ моҳи октябри соли 2022 аз вилояти Суғд ба миқдори 40 ҳазор моҳича дастрас гардида, ба ҳавзҳои сунъии хоҷагиҳои моҳипарварии ноҳияи Рӯшон ва Роштқалъа интиқол дода шуд. Дар айни ҳол наъшунамои моҳичаҳо хуб ба роҳ монда шудааст.
Бояд гуфт, ки Вилояти Мухтори Кӯҳистони Бадахшон дар саргаҳи оби Осиёи Марказӣ қарор дошта, дар баробари кӯлҳои зиёди табиӣ дар ноҳияи Мурғоб ҳамчунин ҳар деҳа дорои рӯдхонаҳои кӯҳӣ мебошад. Хоҷагиҳои деҳқонӣ имкон доранд дар атрофи ин рӯдхонаҳо ҳавзҳои хурди моҳипарварӣ бунёд намоянд.
Соли гузашта бо ҳамин усул дар ноҳияҳои Шуғнону Роштқалъа ду ҳавзи моҳипарварӣ бунёд гардида, ба онҳо зиёда аз 6 ҳазор моҳича сар дода шуда буд.
Ёдовар мешавем, ки қабули «Барномаи рушди соҳаи моҳипарварӣ» барои панҷ соли минбаъда ба хоҷагидорону соҳибкороне, ки майл ба соҳаи моҳипарварӣ доранд, имконияти хуб фароҳам овард. Онҳо аз имтиёзҳои фароҳамнамудаи Ҳукумати мамлакат ба соҳаи мазкур ва дастгириҳои Президенти мамлакат муҳтарам Эмомалӣ Раҳмон ҳавасманд шуда, ҷиҳати васеъ намудани майдони хоҷагиҳои моҳипарварӣ тадбирҳои зарурӣ меандешанд.
Зарангези ЛАТИФ,
АМИТ «Ховар»
АКС: АМИТ «Ховар»
Дар Душанбе Маркази минтақавии омӯзиш ва мониторинги пиряхҳо ва криосфераи Осиёи Марказӣ таъсис меёбад
Осонкунии ҳаракати воситаҳои нақлиёт тавассути сарҳади гумрукии Тоҷикистон ва Узбекистон баррасӣ гардид
«СУҒД-2026». Дар шаҳри Хуҷанд Намоишгоҳи байналмилалии савдо баргузор мешавад
Ҳукумати Тоҷикистон барориши вомбаргҳои «сабз»-ро амалӣ менамояд
Дар Душанбе Форуми дуҷонибаи соҳибкорӣ баргузор гардид
Дар доираи RES-2026 дар Остона таҳкими ҳамкории Тоҷикистон ва Қазоқистон дар соҳаи энергетика баррасӣ шуд
Эмомалӣ Раҳмон: «Дар Тоҷикистон дар доираи Барномаи давлатии сабзкорӣ то соли 2040 беш аз 1 миллиард бех дарахт шинонида мешавад»
Байни вилояти Суғди Тоҷикистон ва вилояти Могилёви Беларус Харитаи роҳ оид ба ҳамкории дуҷониба ба имзо расид
Маркази илмии саратоншиносии ҷумҳуриявӣ дар шаҳри Душанбе бо таҷҳизоти ташхисии соҳавӣ муҷаҳҳаз гардонида мешавад
Дар Бадахшон беш аз 1 тонна молу маҳсулоти пастсифат ва муҳлатгузашта нобуд карда шуд
Намояндагони Бонки миллии Тоҷикистон ва Бонки ҷаҳонӣ масъалаҳои марбут ба идоракунии захираҳои байналмилалиро баррасӣ намуданд
Роҳбарияти Бонки миллии Тоҷикистон дар Вашингтон дар Форуми баландпоя оид ба идоракунии дороиҳо ва захираҳои байналмилалӣ иштирок намуд
