Дар Боғи фарҳангӣ-фароғатии «Ҷавонон»-и шаҳри Душанбе намоиш-фурӯши маҳсулоти кишоварзӣ ва барномаи фарҳангии шаҳри Истиқлол баргузор гардид
ДУШАНБЕ, 13.08.2023 /АМИТ «ХОВАР»/. Шоми дирӯз дар Боғи фарҳангӣ-фароғатии «Ҷавонон»-и пойтахт намоиш-фурӯши маҳсулоти кишоварзӣ, ҳунарҳои мардумӣ, таомҳои миллӣ ва барномаи фарҳангиву фароғатии шаҳри Истиқлол баргузор гардид, — иттилоъ медиҳад мухбири АМИТ «Ховар».
Масъулони ин шаҳр бо шукргузорӣ аз файзи Истиқлоли давлатии Ҷумҳурии Тоҷикистон, бо дастовардҳои тоза ба пойтахт омада, бо намоиши маҳсулоти кишоварзӣ, таомҳои миллӣ ва намунаи ҳунарҳои мардумӣ табъи сокинони пойтахтро болида гардониданд. Барномаи рангини фароғатие, ки шуъбаи фарҳанги шаҳр омода намуда буд, мавзеъи истироҳатиро бо мавҷи шодмониву сурур пурра намуд.
Баргузории чунин чорабиниҳо дар сатҳи худшиносии манотиқи гуногуни Ватани азизамон аз аҳамият холӣ набуда, робитаҳоро боз ҳам тақвият мебахшад. Масъулин ва баргузоркунандагони намоиш аз фазои ороми пойтахт, насими атромези ҳавои шомгоҳии шаҳри Душанбе бо таассуроту хотираҳои нек ба зодгоҳи хеш баргаштанд.
Қадршиносии роҳбарияти шаҳри Истиқлол ва ноҳияи Синои пойтахт ба заҳмату талошҳои ҳамдигар дар амри таҳкиму пойдории Истиқлолияти давлатӣ ҷонибҳоро ба фардои нек боз ҳам дилгарму руҳбаланд менамояд.
Нарзулло АЛИЗОДА,
Тоҳири САИД (АКС)
АМИТ «Ховар»
Дар Ҳисор муоинаи техникаҳои кишоварзӣ ва омодагии онҳо ба мавсими кишт гузаронида шуд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар шаҳри Душанбе ҳаво то 24 дараҷа гарм мешавад
Имрӯз дар Тоҷикистон ҳавои тағйирёбанда пешгӯӣ мешавад
Дар «Саноатсодиротбонк» чорабинии тантанавӣ ба ифтихори таҷлили Рӯзи Модар баргузор гардид
Имрӯз дар шаҳри Душанбе борони кӯтоҳмуддат меборад
Ҷамъи 11: МегаФон Тоҷикистон шабакаи идораҳои хизматрасонӣ ба муштариёнро васеъ менамояд
5-6 март дар Тоҷикистон борони бошиддат пешгӯӣ мешавад
Имрӯз дар Тоҷикистон борони бошиддат меборад
Дар Донишгоҳи давлатии молия ва иқтисоди Тоҷикистон оид ба роҳҳои пешгирии коррупсия, терроризм ва экстремизм ҳамоиш доир шуд
Дар Донишкадаи кӯҳию металлургии Тоҷикистон бахшида ба Рӯзи Модар ҳамоиш доир гардид
Бахшида ба Рӯзи матбуоти тоҷик дар Донишгоҳи давлатии ҳуқуқ, бизнес ва сиёсати Тоҷикистон ҳамоиш доир шуд
