Дар Боғи Умари Хайёми шаҳри Душанбе намоиш-фурӯши маҳсулоти кишоварзӣ ва барномаи фарҳангии ноҳияи Варзоб баргузор гардид
ДУШАНБЕ, 06.08.2023 /АМИТ «Ховар»/. Шоми дирӯз дар Боғи фарҳангӣ-фароғатии Умари Хайёми пойтахт намоиш-фурӯши маҳсулоти кишоварзӣ, ҳунарҳои мардумӣ, таомҳои миллӣ ва барномаи фарҳангиву фароғатии ноҳияи Варзоб доир шуд, ки он аз ҷониби сокинон ва меҳмонони пайтахт бо шукргузорӣ аз Истиклоли давлатӣ ва дар рӯҳияи созандагӣ бо як хурсандии беинтиҳо пазируфта шуд, — иттилоъ медиҳад мухбири АМИТ «Ховар».
Дар намоиш-фурӯши маҳсулоти кишоварзӣ аз ҷониби деҳқонони ноҳияи Варзоб ба сокинону меҳмонони пойтахт маҳсулоти кишоварзӣ, аз қабили картошка, пиёз, сабзӣ, карам, помидор, бодиринг, харбузаву тарбуз, гӯшти гов ва гӯспанд, меваи хушк, лӯбиёгиҳо ва дигар маҳсулоти озуқаворӣ бо нархҳои нисбат ба бозор арзонтар пешниҳод гардид.
Дар дигар гӯшаи Намоишгоҳ масолеҳи сохтмонӣ, таомҳои миллӣ ва ҳунарҳои мардумӣ ба маъраз гузошташуда, варзишшарон ва рассомон аз ҳунари волои хеш дарак доданд.
Сипас, дар фазои тантанавӣ барномаи ҷолиби ҳунарии аҳли фарҳанги ноҳия пешниҳоди ҳозирин гардонида шуд.
Дар фарҷоми чорабинӣ аз ҷониби раиси ноҳияи Синои шаҳри Душанбе ба роҳбарияти Мақомоти иҷроияи ҳокимияти давлатии ноҳияи Варзоб барои дар сатҳи баланд баргузор намудани намоиш – фурӯши маҳсулоти кишоварзӣ, ҳунарҳои мардумӣ, таъомҳои миллӣ ва барномаҳои фарҳангиву адабӣ «Сипоснома»-и Мақомоти иҷроияи ҳокимияти давлатии ноҳияи Синои шаҳри Душанбе тақдим карда шуд.
Бояд гуфт ин тадбири муҳим дар партави дастуру ҳидоятҳои фарҳангпарваронаву ватандӯстонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон ба роҳ монда шуда, ҳам барои сокинони шаҳри Душанбе ва ҳам барои намояндагони аҳолии ноҳияи Варзоб ҷашни ҳосилот, иди фарҳангу ҳунар ва санъат арзёбӣ мешавад.
Ёдовар мешавем, ки тибқи нақшаи баргузории намоиш-фурӯши маҳсулоти кишоварзӣ, ҳунарҳои мардумӣ, таомҳои миллӣ ва барномаҳои фарҳангиву адабии шаҳру ноҳияҳои ҷумҳурӣ дар пойтахти мамлакат — шаҳри Душанбе, ки аз тарафи роҳбари Дастгоҳи иҷроияи Президенти Ҷумҳурии Тоҷикистон тасдиқ шудааст, то 3 сентябр идома меёбанд.
Нарзулло АЛИЗОДА,
Тоҳири САИД (АКС)
АМИТ «Ховар»
Даври шаҳрии Фестивал-озмуни ҷумҳуриявии «Як матову сад ранг» баргузор гардид
Дар Душанбе даври шаҳрии Озмуни ҷумҳуриявии «Кадбонуи беҳтарин» баргузор шуд
СОКИНИ ПОЙТАХТ БУДАН ИФТИХОР АСТ! Имрӯз Душанбе гаҳвораи тамаддуни миллати тоҷик гардидааст
Душанбе бо зебоӣ ва тароваташ байни сокинон ва сайёҳон ҳамчун «шаҳри гулҳо» маъруф аст
РӮЗИ ПОЙТАХТ. Душанбе маркази ташаккул ва рушди кластерҳои инноватсионӣ мебошад
ДУШАНБЕ — ШАҲРИ СУЛҲУ СУБОТ ВА ВАҲДАТИ МИЛЛӢ. Иқтибосҳо аз суханрониҳои Президенти Тоҷикистон ба муносибати Рӯзи пойтахт
Фарҳод Раҳимӣ: «Рушди шаҳри Душанбе дар замони муосир ва нақши Раиси шаҳр муҳтарам Рустами Эмомалӣ дар шаклгирии фазои иҷтимоӣ ва маънавӣ»
ЧУ ДИЛ ДАР СИНААМ ҶОӢ, ДУШАНБЕ… Симои пойтахти Тоҷикистон ба таври шинохтанашаванда дигаргун шудааст
ДУШАНБЕ — ШАҲРИ «САБЗ». Дар пойтахт давоми 9 соли охир зиёда аз 130 миллион дона гули мавсимию бисёрсола шинонида шудааст
НАҚШИ РУСТАМИ ЭМОМАЛӢ ДАР ТАШАККУЛИ СИМОИ НАВИ ПОЙТАХТИ ТОҶИКИСТОН. Ба Рӯзи пойтахти Ҷумҳурии Тоҷикистон бахшида мешавад
Пагоҳ дар Душанбе ниммарафони XVI байналмилалӣ баргузор мегардад
ДУШАНБЕ — ШАҲРИ ҲУШМАНД ВА БЕХАТАР. Ба Рӯзи пойтахти Ҷумҳурии Тоҷикистон бахшида мешавад
