Дар минтақаи Кӯлоб 1037 килограмм маҳсулоти пастсифат нобуд гардид
КӮЛОБ, 13.08.2023. /АМИТ «Ховар»/. Кормандони Раёсати стандартизатсия, метрология, сертификатсия ва нозироти савдо дар минтақаи Кӯлоб дар шаш моҳи аввали соли 2023 барои ҳимояи ҳуқуқи истеъмолкунандагон ва бозори дохилӣ аз молу маҳсулоти пастсифат 1037 килограмм маҳсулоти муҳлати истифодаашон гузаштаро аз муомилот гирифта, бо иштироки комиссия ва кормандони воситаҳои ахбори омма нобуд намуданд. Дар ин хусус зимни нишасти матбуотии Раёсати стандартизатсия, метрология, сертификатсия ва нозироти савдо дар минтақаи Кӯлоб иттилоъ дода шуд.
Гуфта шуд, ки дар шашмоҳаи аввали соли равон дар 171 нуқтаи савдо, бозорҳо ва нуқтаҳои хӯроки умумӣ 62 санҷиш бо иштироки кормандони мақомот гузаронида, барои риоя накардани қоидаи савдо нисбат ба 215 нафар соҳибкорони нуқтаҳои савдо, хӯроки умумӣ ва нуқтаҳои фурӯши сӯзишворӣ дар асоси талаботи Кодекси ҳуқуқвайронкунии маъмурии Ҷумҳурии Тоҷикистон санади маъмурӣ тартиб дода шуд ва онҳо ба маблағи 54 ҳазору 128 сомонӣ ҷарима баста шуданд.
Инчунин дар ин давра маҳсулоти хӯрокворӣ 250,5 кг, маҳсулоти гӯштӣ – 171 кг, хӯриш – 95 кг, маҳсулоти ширӣ – 32 кг, чой – 11 кг, намаки ошӣ – 77 кг, қайлаи помидор – 7 кг, ранг — 4 кг, нӯшокиҳои ғайримашруботӣ ва машруботӣ 411,5 литр ва нӯшокии энергетикии «Горилла» 76,5 литр аз муомилот гирифта шуданд.
Ҳамчунин дар давраи мавриди назар аз тарафи кормандони шуъбаи санҷиш оид ба риояи талаботи регламентҳои техникӣ ва ҳуҷҷатҳои меъёрии техникӣ дар маҷмааи агросаноатӣ бо дархости соҳибкорони шаҳру минтақаи Кӯлоб дар фаъолияти 138 корхонаи истеҳсолӣ корҳои сертификатсионӣ гузаронида шуда, дар панҷ ҳолат 65000 кг намаки ғайристандартӣ дар корхонаҳои ҶДММ «Диловар — Н» 10000 кг, ҶДММ «Намакдон» 10000 кг, ҶДММ «Душанбе» 20000 кг ва ҶСК «Хоҷа Муъмин»-и ноҳияи Восеъ 25000 кг ошкор гардид.
Сулаймон ХОЛЗОДА,
АМИТ «Ховар»
АКС: АМИТ Ховар
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
Дар ноҳияи Деваштич иншооти гуногуни иҷтимоӣ ба истифода дода шуданд
Сарвари давлат Эмомалӣ Раҳмон ба таври фосилавӣ як қатор иншооти таъиноти гуногунро дар вилояти Суғд мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Пешвои миллат Эмомалӣ Раҳмон дар минтақаи озоди иқтисодии Суғд корхонаи нӯшокиҳои ташнагишикани ҶДММ «Райан»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич муассисаи таҳсилоти миёнаи умумии №70-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон ба таври фосилавӣ дар шаҳри Истаравшан 12 иншоотро мавриди истифода қарор доданд
