Дар ноҳияи Синои пойтахт машварати августии кормандони соҳаи маориф баргузор гардид

Август 25, 2023 16:32

ДУШАНБЕ, 25.08.2023. /АМИТ «Ховар»/. Дар Мактаби муосири байналмилалии шаҳри Душанбе  машварати августии кормандони соҳаи маорифи ноҳияи Сино  баргузор гардид. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии ноҳия хабар медиҳад.

Дар оғози машварат иштирокчиён дар саҳни муассисаи таълимӣ бо корҳои эҷодӣ ва дастовардҳои муассисаҳои таҳсилоти миёнаи умумӣ ва томактабии ноҳия шинос  гардиданд.

Гуфта шуд, ки дар арафаи ҷашни 32-солагии Истиқлолияти давлатии Ҷумҳурии Тоҷикистон дар тамоми муассисаҳои таҳсилоти миёнаи умумии ноҳияи Сино корҳои эҷодӣ бо намоиши дастовардҳо гузаронида шуданд. Кормандони маорифи ноҳия кӯшиш доранд, ки соли таҳсили навро бо омодагии ҳамаҷониба ва шароити мусоид пешвоз гиранд.

Ҳамзамон тазаккур дода шуд, ки бо дастгирии Раиси шаҳри Душанбе муҳтарам Рустами Эмомалӣ соли равон ҳамаи муассисаҳои таҳсилоти умумии ноҳия аз таъмири ҷорӣ бароварда шуда, муассисаҳо ба қабули хонандагон ва кӯдакон пурра омода мебошанд.

Машварати августии кормандони соҳаи маорифи ноҳияи Сино ба истиқболи Рӯзи дониш гузаронида шуда, дар он ҷиҳати руҳбаланд намудани маорифчиёни ноҳия меҳмонон, собиқадорону омӯзгорон ва роҳбарони муассисаҳои таҳсилоти умумӣ барои хизматҳои бисёрсолаи бенуқсон дар соҳаи маориф, ҳамкории судманд бо шуъбаи маориф, саҳми арзанда дар таълиму тарбияи насли наврас, тайёр намудани кадрҳои болаёқат ва иштироки фаъолона дар ҳаёти ҷамъиятӣ бо Сипоснома сарфароз гардонида шуданд.

АКС: Мақомоти иҷроияи ҳокимияти давлатии ноҳияи Сино

Август 25, 2023 16:32

Хабарҳои дигари ин бахш

Қарори Ҳукумати Ҷумҳурии Тоҷикистон
Дар Донишгоҳи давлатии ҳуқуқ, бизнес ва сиёсати Тоҷикистон Ҳафтаи дарҳои кушод ҷамъбаст шуд
СОЛИ МАЪРИФАТИ ҲУҚУҚӢ. Дар Донишгоҳи давлатии Кӯлоб бо намояндагони мақомоти прокуратура мулоқот баргузор гардид
Дар Душанбе Созишномаи генералӣ барои солҳои 2024-2026 ба имзо расонида шуд
Асарҳои пешниҳодшуда барои дарёфти Ҷоизаи давлатии Ҷумҳурии Тоҷикистон ба номи Абӯабдулло Рӯдакӣ дар соли 2024 муайян гардиданд
«МАРҲАБО БА ХАТЛОНИ БОСТОН!». Пагоҳ дар шаҳри Кӯлоб таҳти ин унвон форуми байналмилалии сайёҳӣ баргузор мешавад
Тоҷикистон ва Озарбойҷон ҳамкориро дар соҳаи рақамикунонии бозори меҳнат тавсеа медиҳанд
Шаҳри Душанбе соли 2024 мизбони Чемпионати ҷаҳон оид ба ҷудо байни наврасону ҷавонон мегардад
Президенти Ҷумҳурии Тоҷикистон Эмомалӣ Раҳмон ба Сарвазири Ҷумҳурии Исломии Покистон Шаҳбоз Шариф барқияи табрикӣ ирсол намуданд
Дар Донишгоҳи давлатии омӯзгории Тоҷикистон доир ба ҳифзи забони давлатӣ маҳфил доир шуд
ДОРУ АЗ МЕВАИ ДӮЛОНА. Онро устодони Донишгоҳи миллии Тоҷикистон бо мақсади пешгирии бемории дилу рагҳо тайёр кардаанд
Мулоқоти гурӯҳҳои топографӣ ва кории ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон баргузор гардид