Хатлон: Ба рушди соҳибкориву сармоягузорӣ авлавият дода мешавад

Август 19, 2023 09:59

ДУШАНБЕ, 19.08.2023 /АМИТ «Ховар»/. 18 август таҳти раёсати Раиси вилояти Хатлон Давлаталӣ Саид ҷаласаи 17-уми Шӯрои машваратии назди раиси вилоят оид ба беҳтар намудани фазои соҳибкорӣ ва сармоягузорӣ баргузор гардид. Дар ин хусус ба АМИТ «Ховар» дар Мақомоти иҷроияи ҳокимияти давлатии вилояти Хатлон хабар доданд.

Дар кори ҷаласаи Шӯрои машваратӣ намояндагони мақомотҳои давлатӣ, созмонҳои байналмилалӣ, сохторҳои масъули иқтисодӣ, соҳибкорону сармоягузорони дохилӣ ва хориҷӣ иштирок доштанд.

Дар ҷаласаи Шӯрои машварати 4 масъалаи муҳим – низомномаи Шӯрои машваратии назди раиси вилояти Хатлон оид ба беҳтар намудани фазои соҳибкорӣ ва сармоягузорӣ дар таҳрири нав ва ҳайати аъзоёни нави Шӯро, ҳисобот оид ба иҷрои Протоколи Шӯрои соҳибкорию сармоягузории назди раиси вилояти Хатлон ва натиҷаҳои он, масъалаҳои рушди соҳибкорӣ байни  занону ҷавонон ва имконияти таъсиси ҷойҳои корӣ ва рушди низоми агроозуқаворӣ ва кишоварзии устувор дар вилояти Хатлон, мавриди баррасӣ қарор гирифт.

Раиси вилоят Давлаталӣ Саид зимни баргузории Шӯрои соҳибкорӣ ва сармоягузорӣ иброз доштанд, ки дар вилоят то ин давра 16 Шӯро баргузор гардида, дар он масъалаҳои муҳим вобаста самти беҳтар гардидани фазои сармоягузорӣ ва соҳибкорӣ матраҳ шудаанд. Шӯрои машваратӣ майдони муҳимтарини гуфтугӯи байни давлат ва бахши хусусӣ ба ҳисоб рафта, дар ташаккули сиёсати давлатӣ вобаста ба рушди соҳибкорӣ ва беҳтар намудани фазои сармоягузорӣ мусоидат менамояд. Ҳамчунин, илова намуд, ки мо бояд ба рушди соҳибкориву сармоягузорӣ дар вилоят таваҷҷуҳ намоем, зеро таъсири мусбати он барои пешрафти тамоми соҳаҳо, ғанигардонии буҷети давлат, таъсиси ҷойҳои нави корӣ ва афзоиши даромади сокинонмебошад.

Дар ҷаласаи Шӯро гуфта шуд, ки бояд сатҳи муколамаи бахши хусусӣ ва давлатиро дар сатҳи баланд ташкил шавад, то фазои сармоягузорӣ ва соҳибкорӣ дар вилоят беҳтар гардад.

Роҳбарияти вилоят вобаста ба баргузории ҷаласаи 17-уми Шӯрои машваратии назди раиси вилоят оид ба беҳтар кардани фазои соҳибкорӣ ва сармоягузорӣ ва нақшаи кории котиботи шӯро, беҳтар кардани сатҳи муколамаи бахши хусусӣ бо сектори иқтисодии давлатӣ изҳори назар намуда, ба роҳбарони ташиклоту муассисаҳои вилоят, аъзоён ва котиботи Шӯро тавсияҳои судманд пешниҳод намуд.

АКС: Рӯзномаи «Хатлон»

Август 19, 2023 09:59

Хабарҳои дигари ин бахш

Дар Душанбе оғози Даҳсолаи байналмилалии амал оид ба илмҳои яхшиносӣ (криосферӣ), солҳои 2025-2034 баррасӣ гардид
Дастовардҳои Тоҷикистон дар Форуми иқтисоди рақамии Созмони ҳамкории Шанхай-2025 муаррифӣ гардид
Дар ноҳияи Данғара корхонаи истеҳсоли маҳсулоти саноатӣ сохта мешавад
Имсол дар Бадахшон 45 корхонаву коргоҳҳои саноатӣ ба фаъолият оғоз намуд
Ҳайати Тоҷикистон дар ҷаласаи маҳдуди сатҳи вазирони иқтисоди СҲШ дар Чин иштирок намуд
Иттиҳоди Аврупо дар Тоҷикистон лоиҳаҳои соҳаи энергетикаро амалӣ менамояд
Дар Вазорати рушди иқтисод ва савдои Тоҷикистон татбиқи ташаббуси ҷаҳонии «Global Gateway» баррасӣ гардид
ДАРАИ АЛМОСӢ. Аз ҷониби ҷомеаи ҷаҳонӣ ҳамчун мавзеи беназири таърихии кишоварзӣ этироф гардид
Дараи Алмосии шаҳри Ҳисор расман ба феҳристи «Низоми мероси кишоварзии дорои аҳамияти ҷаҳонӣ» ворид карда шуд
Дар Бонки миллӣ бо ҳайати Дафтари Швейтсария оид ба ҳамкорӣ дар Ҷумҳурии Тоҷикистон вохӯрӣ доир гардид
Дар Хатлон масъалаи таъсиси корхонаи саноатии батареяҳои офтобӣ баррасӣ гардид
Имсол аз Тоҷикистон беш аз 90 ҳазор тонна маҳсулоти кишоварзӣ содирот гардидааст