ИММУНИЗАТСИЯ ВА МОҲИЯТИ ОН. Маркази ташаккули тарзи ҳаёти солими шаҳри Турсунзода бо сокинон мулоқот доир намуд
ДУШАНБЕ, 17.08.2023. /АМИТ «Ховар»/. Дар деҳаи Батоши Ҷамоати деҳоти Қаратоғи шаҳри Турсунзода бо иштироки раисони маҳалла, намояндагони ҳуҷраҳои тарзи ҳаёти солим аз марказҳои саломатии деҳавӣ, бунгоҳҳои тиббӣ, муассисаҳои таълимӣ, фаъолон ва аҳолии ҳудуди Ҷамоати деҳоти Қаратоғи шаҳри Турсунзода оид ба иммунизатсия ва моҳияти он барои пешгирӣ аз бемориҳои сироятӣ, бемориҳои сурхча ва гулафшон вохӯрию суҳбатҳои судманд баргузор гардид. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳр хабар медиҳад.
Дар вохӯрии мазкур директори Маркази ташаккули тарзи ҳаёти солими шаҳри Турсунзода дар бораи бемории сурхча ва гулафшон маълумот дода, бо иммунизатсия фаро гирифтани аҳолӣ бар зидди бемории сурхча, гулафшон ва дигар бемориҳои сироятиро шарт ва зарур шуморид.
Ҳамаи иштироккунандагони вохӯрӣ даъват шуданд, ки дар гузаронидани Рӯзҳои имммунизатсияи иловагӣ фаъол бошанд.
Ҳамзамон аз тарафи кормандони Маркази ташаккули тарзи ҳаёти солими шаҳри Турсунзода дар якҷоягӣ бо кормандони Шабакаи КАТС, Маркази иммунопрофилактика, Беморхонаи марказии шаҳри Турсунзода дар байни аҳолии Ҷамоати деҳоти Пахтаобод корҳои фаҳмондадиҳӣ идома дошта, бо иммунизатсия фаро гирифтани аҳолӣ бар зидди бемории сурхча, гулафшон ва дигар бемориҳои сироятӣ ба мардум фаҳмонида мешавад.
Инчунин идомаи корҳои фаҳмондадиҳӣ дар байни кормандони Ширхоргоҳ-кӯдакистони рақами 1-и Ҷамоати деҳоти Пахтаобод гузаронида шуданд.
Гуфта шуд, ки бо иммунизатсия фаро гирифтани аҳолӣ бар зидди бемории сурхча, гулафшон ва дигар бемориҳои сироятӣ шарт ва зарур буда, бо ёрии иммунизатсия мо метавонем бемориҳои сироятшавандаро сари вақт маҳв созем.
Тазаккур дода шуд, ки дар асоси фармоиши Вазорати тандурустӣ ва ҳифзи иҷтимоии аҳолии Ҷумҳурии Тоҷикистон шуруъ аз 21 август то 16 сентябр барои пешгирӣ аз бемориҳои сироятии сурхча ва гулафшон дар байни кӯдакони аз 6-моҳа то 15-сола дар ду марҳила Рӯзҳои иммунизатсияи иловагӣ гузаронида мешавад.
Дар робита ба ин зимни вохӯриҳо сокинону иштироккунандагон даъват шуданд, ки дар гузаронидани ин рӯзҳо фаъол бошанд.
АКС: Мақомоти иҷроияи ҳокимияти давлатии шаҳри Турсунзода
Густариши ҳамкорӣ бо намояндагони Бонки исломии рушд дар соҳаи таҳсилоти касбӣ баррасӣ гардид
Дар Санкт-Петербург бо донишҷӯёни тоҷик оид ба масъалаҳои будубош ва таҳсил вохӯрӣ доир шуд
Дар шаҳри Гулистони вилояти Суғд Форуми дуюми сулҳи Фарғона доир шуд
Байни Маркази тадқиқоти стратегӣ ва Бунёди «Peace Nexus» Ёддошти тафоҳуми ҳамкорӣ ба имзо расонида шуд
ТАРЗИ ҲАЁТИ СОЛИМ. Пиёдагардӣ умри инсонро дароз ва баданро ҷавон мекунад
Дар вилояти Суғд Форуми дуюми сулҳи Фарғона доир мешавад
Дар Маркази рушди ҳунармандӣ ва малакаҳои касбии муосир ба шаҳрвандон ройгон касб омӯзонида мешавад
Ҳайати Тоҷикистон дар ҷаласаи Шурои роҳбарони мақомоти муҳоҷиратии давлатҳои аъзои ИДМ иштирок намуд
Бо саҳми соҳибкорон ва шахсони саховатпеша дар Суғд 5 ҳазору 500 километр роҳҳои маҳаллӣ таъмиру навсозӣ карда шуданд
ПУРСИДЕД, ҶАВОБ МЕДИҲЕМ. Ҳангоми интиқоли маблағ ба кортҳои шахсони ношинос ба чӣ бояд диққат дод?
Дар Алмато платформаи миллии рақамии тандурустии Тоҷикистон муаррифӣ гардид
«ИСТИҚЛОЛ — ГАНҶИ МИЛЛАТ, БАҚОИ ДАВЛАТ». Бо чунин унвон дар шаҳри Хуҷанд ҳамоиши ҷумҳуриявӣ доир шуд
