ИСТИФОДАИ САМАРАНОКИ ЗАМИН. Дар Кушониён дар майдони 120 гектар кишти чигити австралӣ ба роҳ монда шудааст
ДУШАНБЕ, 23.08.2023. /АМИТ «Ховар»/. Ҷиҳати дар амал татбиқ намудани дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон дар самти самараноку оқилона истифода намудани заминҳои корами обӣ ва аз он гирифтани ду-се ҳосил Раиси вилояти Хатлон дар маъракаи оғози ҷамъоварии ҳосили пахта дар ҶДММ иттиҳодияи аграрии «Водии Заррин»-и Ҷамоати деҳоти “Сарвати Истиқлол”-и ноҳияи Кушониён иштирок намуд. Дар ин хусус ба АМИТ «Ховар» дар Мақомоти иҷроияи ҳокимияти давлатии вилояти Хатлон хабар доданд.
Роҳбарияти вилоят, масъулин ва саҳмдорони хоҷагӣ ба ҷамъоварии ҳосили пахта шуруъ карда, аз ҳосили фаровон ва заҳмати хоҷагидорон изҳори қаноатмандӣ намуданд.
Ёдовар мешавем, ки ҶДММ иттиҳодияи аграрии «Водии Заррин» дар майдони 120 гектар кишти чигити австралиро ба роҳ мондааст, ки ин навъи пахта ба обу хоки ин минтақа мутобиқ мебошад.
Хоҷагидорону кишоварзони ноҳияи Кушониён имсол аз боду ҳавои мусоид самаранок истифода бурда, дар самти кишту парвариши маҳсулоти кишоварзӣ, аз ҷумла пахтакорӣ, сабзавоткорӣ ва дигар намудҳои он ба муваффақияти назаррас ноил гардиданд, ки нисбат ба соли гузашта фоизи ҳосилнокӣ баланд мебошад.
Раиси вилоят ҳамчунин бо намоиши маҳсулоти кишоварзони ноҳия шинос шуда, вобаста ба ҷамъоварии ҳосил ва кишти такрорӣ дар заминҳои корами ноҳия бо масъулини соҳа суҳбат намуд. Гуфта шуд, ки кишоварзони ноҳия имсол дар майдони 10 ҳазору 844 гектар кишт гузаронидаанд, ки ин рақам нисбат ба нақшаи пешбинишуда 24 гектар зиёд мебошад ва аз мувафақияти кишоварзони ноҳия дарак медиҳад.
АКС: Мақомоти иҷроияи ҳокимияти давлатии вилояти Хатлон
Қоҳир Расулзода бо вазири федералии энергетикии Покистон Авайс Аҳмад Хан Леғарӣ мулоқот намуд
Ҷаласаи Гурӯҳи кории намояндагони мақомоти гумруки Тоҷикистон ва Узбекистон баргузор гардид
Дар Душанбе рафти татбиқи лоиҳаҳои муштарак бо Бонки Олмонии рушд баррасӣ гардид
Аҳамияти муҳими «CASA -1000» дар ҷаласаи 8-уми Комиссияи муштараки ҳамкории иқтисодии Тоҷикистон ва Покистон баррасӣ шуд
«Амонатбонк» ҳамкориро бо Бонки кишоварзии Чин тақвият медиҳад
Ҳаракати қатораи мустақими мусофирбар дар масири Душанбе — Москва барқарор карда шуд
Шурои Гурӯҳи Бонки ҷаҳонӣ Барномаи шарикии кишварӣ барои Тоҷикистонро қабул намуд
Барои ҳаракати нақлиёти боркаши гаронвазн дар роҳҳои мошингард маҳдудият ҷорӣ гардид
Ҷаласаи 8-уми Комиссияи муштараки ҳамкории тиҷоратӣ, иқтисодӣ ва илмӣ-техникии Тоҷикистон ва Покистон баргузор шуд
Дар ноҳияи Зафаробод ҷамъоварии ҳосили ғалладонагиҳо оғоз гардид
«ХАТЛОН — САРЗАМИНИ ТАМАДДУНҲО ВА САЁҲАТ». Дар Чилдухтарон форум ва намоишгоҳи байналмилалии сайёҳӣ баргузор мешавад
Дар Бохтар масъалаи таҳкими ҳамкорӣ дар соҳаи тандурустӣ бо Агентии байналмилалии неруи атомӣ баррасӣ шуд
