Муассисаҳои таълимии ноҳияи Абдураҳмони Ҷомӣ ба соли нави хониш пурра омода мебошанд
ДУШАНБЕ, 26.08.2023 /АМИТ «Ховар»/. Дар намоиш-фурӯши маҳсулоти кишоварзӣ, ҳунарҳои мардумӣ, таомҳои миллӣ ва барномаҳои фарҳангиву адабии ноҳияи Абдураҳмони Ҷомӣ, ки имрӯз дар Боғи «Низомиддин Алишери Навоӣ» пойтахт баргузор гардид, аҳли маорифи ноҳия фаъолона иштирок намуда, дастовардҳои худро муваффақона муаррифӣ карданд.
Хабарнигори АМИТ «Ховар» аз фурсати муносиб истифода бурда, бо сардори бахши маорифи Мақомоти иҷроияи ҳокимияти давлатӣ дар ноҳияи Абдураҳмони Ҷомӣ, омӯзгори соҳибтаҷриба Шамсиддин Нуров дар бораи омодагии соҳа ба соли нави хониш суҳбат намуд.
Номбурда изҳор кард, ки тамоми муассисаҳои таълимии ноҳия ба соли нави хониш пурра омода шудаанд.
«Дар ҳудуди ноҳияи Абдураҳмони Ҷомӣ 63 муассисаи таълимӣ, 7 муассисаи таҳсилоти томактабӣ фаъолият доранд ва роҳбарону омӯзгорони ин муассисаҳо барои пешвоз гирифтани соли нави таҳсил, баргузор намудани Рӯзи Дониш омодагии ҷиддӣ гирифтаанд, — гуфт ӯ ва илова каврд, ки дар муассисаи таҳсилоти миёнаи рақами 57-и ноҳия имсол 4 синфхонаи иловагӣ сохта ба истифода дода шуд.
«Ҳамчунин соли оянда, дар арафаи соли хониши 2024-2025 дар муассисаи таҳсилоти миёнаи рақами 18-и ноҳияи Абдураҳмони Ҷомӣ сохтмони 7 синфхонаи иловагӣ ва 7 синфхонаи иловагии дигар дар муассисаи таҳсилоти миёнаи рақами 35-и ноҳия ба нақша гирифта шудааст. Корҳо дар ин самт аллакай оғоз ёфтанд»,-тазаккур дод ҳамсуҳбати мо.
Шамсиддин Нуров иттилоъ дод, ки намояндагони бахши маорифи ноҳия дар даври вилоятии Озмуни ҷумҳуриявии «Фурӯғи субҳи доноӣ китоб аст» иштирок карда, ба даври навбатӣ роҳхат гирифтанд. Аз ҷумла, муаллимаи муассисаи таҳсилоти миёнаи рақами 12 Суман Қосимзода ва шогирди ҳамин мактаб Нозия Тағойзода ба даври ҷумҳуриявии озмуни «Фурӯғи субҳи доноӣ китоб аст» роҳ ёфтанд.
Акрам Сангзода
АМИТ «Ховар»
АКС:АМИТ «Ховар»
Нақши Пешвои миллат дар таҳкими сулҳи пойдори ҷаҳонӣ назаррас аст
Дар Донишгоҳи давлатии Бохтар оид ба Даҳсолаи таҳкими сулҳ ба хотири наслҳои оянда ҳамоиши илмӣ-амалӣ доир шуд
Байни Ҷумҳурии Тоҷикистон ва Муғулистон нахустин Ёддошти тафоҳум оид ба ҳамкорӣ дар соҳаи маориф ба имзо расид
СОЛИ ОБОДОНИЮ СОЗАНДАГӢ. Дар ноҳияи Кӯшониён муассисаҳои таълимӣ бунёд мегарданд
Хонандагони тоҷик дар Олимпиадаи байналмилалии математика соҳиби медалҳои нуқра ва биринҷӣ гардиданд
Дар Донишгоҳи байналмилалии забонҳои хориҷии Тоҷикистон Мактаби тобистонаи байналмилалӣ ба фаъолият оғоз кард
НИШАСТИ МАТБУОТӢ. Дар Донишгоҳи миллии Тоҷикистон ду шурои нави диссертатсионӣ таъсис дода шуд
НИШАСТИ МАТБУОТӢ. 36 муассисаи таълимӣ ба таври шартӣ аз аттестатсияи давлатӣ гузаронида шуд
НИШАСТИ МАТБУОТӢ. Дар Донишгоҳи байналмилалии забонҳои хориҷии Тоҷикистон шаш ихтисоси нав таъсис дода шуд
НИШАСТИ МАТБУОТӢ. Донишгоҳи байналмилалии сайёҳӣ ва соҳибкории Тоҷикистон ҳамоҳангсози миллии раддабандии байналмилалии «Донишгоҳҳои сабз» интихоб гардид
Дар Тоҷикистон шумораи муассисаҳои томактабӣ бештар гардидааст
НИШАСТИ МАТБУОТӢ. Дар муассисаҳои таълимии Тоҷикистон сатҳи дониш ва азхудкунии барномаҳои таълимӣ баланд гардидааст
