Муовини Сарвазири Тоҷикистон Матлубахон Сатториён ба варзишгарони тоҷик дар Беларус муваффақият таманно намуд
ДУШАНБЕ, 07.08.2023 /АМИТ «Ховар»/. Иштироки варзишгарони тоҷик дар Бозиҳои II Иттиҳоди Давлатҳои Мустақил барои Тоҷикистон аҳамияти муҳим дорад,- гуфт муовини Сарвазири Тоҷикистон Матлубахон Сатториён ба хабарнигорони АМИТ «Ховар» дар Минск.
«Варзиш ба муттаҳид намудани давлатҳо нигаронида шудааст. Мо аллакай дар ин бозиҳо 3 медалро соҳиб гаштем. Варзишгарони мо ба бозиҳои нимниҳоӣ роҳхат гирифтанд. Ин худ аллакай кафолат барои ишғоли ҷойҳои намоён аст. Мо бо боварии комил гуфта метавонем, ки на кам аз панҷ медал ба даст хоҳем овард. Мо ба натиҷаҳои хуб умед дорем»,-гуфт Матлубахон Сатториён.
Тавре муовини Сарвазири Тоҷикистон хабар дод, имрӯз дар мамлакат футбол, каратэ, гӯштин, волейбол, баскетбол, ҷудо ва дигар намудҳои варзиш рушд меёбанд ва варзишгарони мо қариб дар ҳамаи мусобиқаҳои варзишии дохил ва берун аз он фаъолона ширкат меварзанд. «Тоҷикистон барои баргузории ҳама гуна мусобиқаҳо омода аст ва барои гузаронидани бозиҳои варзишӣ тамоми имконият дар мамлакатамон мавҷуд мебошанд»,-илова намуд мусоҳиб.
Ҳамчунин муовини Сарвазири Тоҷикистон бо хабарнигорони расонаҳои хориҷӣ суҳбат намуда, ба хабарнигорон дар бораи таассуроти худ аз маросими кушодашавии Бозиҳои II Иттиҳоди Давлатҳои Мустақил дар Минск, баргузории мусобиқаҳо ва ҳамкории минбаъдаи Тоҷикистон ва Беларус дар тамоми соҳаҳо ибрози андеша намуд.
Лайло ТОИРӢ,
Елена БАТЕНКОВА,
АМИТ «Ховар»
АКС: АМИТ «Ховар»
Ҳайати ҳакамони Тоҷикистон бозии дӯстонаи Непал ва Афғонистонро дар Душанбе доварӣ мекунад
ҶОМИ ПРЕЗИДЕНТИ ҶУМҲУРИИ ТОҶИКИСТОН. Дар Хуҷанд мусобиқаи байналмилалӣ оид ба бокс доир гардид
Дар Федератсияи варзиши сайёҳии Тоҷикистон ҷаласаи ҳисоботӣ – интихоботӣ доир гардид
ФУТБОЛ. Дастаи мунтахаби Тоҷикистон дар бозии дӯстона тими миллии Непалро мағлуб намуд
ФУТБОЛ. Имрӯз дастаи мунтахаби Тоҷикистон бо тими миллии Непал бозии дӯстона анҷом медиҳад
Дастаи мунтахаби олимпии Тоҷикистон (U-23) барои баргузории бозиҳои дӯстона ба Дубай сафар намуд
ФУТБОЛ. Дастаи мунтахаби Тоҷикистон барои бозӣ бо тими миллии Непал омодагӣ мебинад
Сорбон Латипов соҳиби медали биринҷии Чемпионати ҷаҳон оид ба самбо гардид
Виктория Киселёва аз Тоҷикистон соҳиби медали тиллои мусобиқаи «Hong Kong Asian Open» гардид
Дар шаҳри Бохтар толори варзишӣ ифтитоҳ гардид
Бозии дӯстонаи Тоҷикистон – Непалро ҳайати доварони Русия ҳакамӣ мекунад
Рустам Ятимов дар бозиҳои охирини дастаи футболи «Ростов»-и Русия соҳиби ду ҷоиза гардид
