«НАҚШИ ЗАНОН ДАР РУШДИ СОҲИБКОРӢ». Дар Душанбе бо иштироки занони соҳибкор ҳамоиш доир шуд

Август 19, 2023 16:30

ДУШАНБЕ, 19.08.2023. /АМИТ «Ховар»/. Дар шаҳри Душанбе бо иштироки занони соҳибкору ташаббускор машварати омӯзишии «Нақши занон дар рушди соҳибкорӣ» баргузор гардид. Дар ин хусус ба АМИТ «Ховар» дар Раёсати кор бо занон ва оилаи Мақомоти иҷроияи ҳокимияти давлатии шаҳри Душанбе хабар доданд.

Ҳамоиш бо ибтикори Раёсати кор бо занон ва оилаи мақомоти иҷроияи ҳокимияти давлатии шаҳри Душанбе бо мақсади татбиқи Стратегияи миллии фаъолгардонии нақши занон дар Ҷумҳурии Тоҷикистон барои солҳои 2021-2030 дар шаҳри Душанбе барои солҳои 2021-2025, ки бо қарори Раиси шаҳри Душанбе аз 26 июли соли 2021 тасдиқ гардидааст, дар якҷоягӣ бо Ассотсиатсияи миллии занони сохибкор «Кадбону» гузаронида шуд.

Тазаккур дода шуд, ки таҳкими мавқеи зан дар ҷомеа, баланд бардоштани мақому манзалати занон, таъмини баробарии гендерӣ, зиёд намудани ҷойҳои корӣ барои духтарон ва шумораи занони роҳбар, сайқал додани сатҳи саводнокию маърифати онҳо ҳамчун самтҳои афзалиятноки сиёсати иҷтимоии давлату Ҳукумати Ҷумҳурии Тоҷикистон муайян гардидаанд.

Мардон ва занон дар пешбурди фаъолияти соҳибкорӣ дар ҳамаи соҳаҳо ва шаклҳои пешбининамудаи қонунгузории Ҷумҳурии Тоҷикистон ҳуқуқи баробар доранд. Давлат баробарии ҳуқуқи мардон ва занонро дар таъсиси ташкилоти тиҷоратӣ, дастрасии баробар ба гирифтани иҷозатнома, ҳимоя ва дастгирии соҳибкорӣ, ҷорӣ намудани андозбандии имтиёзноки соҳибкоронро новобаста аз ҷинс, инчунин ҳавасмандгардонии занонро баҳри пешбурди фаъолияти соҳибкорӣ кафолат медиҳад.

Таъмини баробарии гендерӣ дар соҳаи иқтисодиёт, ҳавасмандгардонии занон барои ба амал баровардани фаъолияти соҳибкорӣ, дастрасии баробар ба захираҳои молиявӣ тавассути қарздиҳии дастрас, ташаккули низоми дастурии дастгирии рушди соҳибкории занон аз омилҳои асосии рушди соҳибкории занон мебошанд.

Иттилоъ дода шуд, ки дар айни замон дар шаҳри Душанбе 43 ҳазору 284 нафар ба фаъолияти сохибкорӣ машғул мебошанд, ки аз инҳо 10 ҳазору 553 нафар занон мебошанд.

Дар фарҷоми ҳамоиш ба соҳибкорони ташаббускори корхонаву муассисаҳо ва дигар ташкилоти ҷамъиятие, ки дар корҳои ҷамъиятӣ саҳм гузошта, дар татбиқи босамари сиёсати давлатии занон фаъолият нишон медиҳанд, сипосномаву туҳфаҳои Мақомоти иҷроияи ҳокимияти давлатии шаҳри Душанбе тақдим гардид.

АКС: Раёсати кор бо занон ва оилаи Мақомоти иҷроияи ҳокимияти давлатии шаҳри Душанбе

 

Август 19, 2023 16:30

Хабарҳои дигари ин бахш

ПЕШОМАДҲОИ РУШДИ УСТУВОРИ ПАХТАКОРӢ ДАР ТОҶИКИСТОН». Доир ба он дар Душанбе конференсияи байналмилалӣ оғоз ёфт
Дар Душанбе дурнамои густариши ҳамкории тиҷоратӣ байни Тоҷикистон ва Эрон баррасӣ шуд
Доир ба ҳамкории иқтисодию тиҷоратии Тоҷикистон ва Арабистони Саудӣ ҷаласаи навбатии комиссияи муштарак баргузор мегардад
Дар Душанбе масъалаи ҷалби сармояи ширкатҳои Қазоқистон ба иқтисоди Тоҷикистон баррасӣ шуд
Тавсеаи ҳамкории Тоҷикистон ва Созмони Милали Муттаҳид дар самти ҳифзи муҳити зист муҳокима шуд
Дурнамои густариши ҳамкории Тоҷикистон ва Корпоратсияи байналмилалии молиявӣ баррасӣ гардид
Кишоварзони Ҷамоати деҳоти Зиракии шаҳри Кӯлоб кишту кори баҳориро оғоз намуданд
Ширкати Гурӯҳи портҳои Абузабӣ барои таъсиси Маркази логистикию транзитӣ ва содироти молҳо дар Душанбе маблағгузорӣ менамояд
РОҲ НАДОДАН БА ПАҲНШАВИИ МАЛАХ. Ҷаласаи ситоди ҷумҳуриявӣ оид ба муҳофизати зироати кишоварзӣ доир гардид
«Амонатбонк» ва «KazakhExport» ҳамкориро дар самти маблағгузории савдо густариш медиҳанд
Ҳайати Тоҷикистон дар ҷаласаи 55-уми Комиссияи омори Созмони Милали Муттаҳид иштирок дорад
Дар шаҳри Абузабӣ масъалаи ҷалби маблағҳо барои лоиҳаи сохтмони НБО-и «Роғун» баррасӣ гардид