НИШАСТИ МАТБУОТӢ. Нақшаи генералии сайёҳии шаҳри Душанбе ва минтақаҳои атрофи он (CS4a) оғоз ёфт, ки моҳи октябри соли 2023 ба анҷом мерасад

Август 10, 2023 13:17

ДУШАНБЕ, 10.08.2023. /АМИТ «Ховар»/. Бо дастгирии Ҳукумати Ҷумҳурии Тоҷикистон ва шарикони рушд ҷиҳати рушди соҳаи сайёҳӣ якчанд лоиҳаи сармоягузорӣ мавриди амал қарор доранд. Аз ҷумла, Лоиҳаи рушди сайёҳӣ бо маблағгузории Бонки Осиёии Рушд дар ҳаҷми 10 миллион доллари ИМА ҷиҳати таҳкими омодасозӣ ва тарҳи лоиҳаҳо, омода намудани суратҳисоби ёрирасони сайёҳӣ ва нақшаи рушди сайёҳӣ, гузаронидани пурсишҳо, муайян намудани рӯйхати сармоягузориҳо тариқи хизматрасонии машваратӣ амалӣ гардида истодааст. Дар ин хусус Раиси Кумитаи рушди сайёҳии назди Ҳукумати Ҷумҳурии Тоҷикистон Камолиддин Муминзод 9 август ба хабарнигорон иттилоъ дод.

Дар давраи ҳисоботӣ Низоми ёрирасони омори сайёҳӣ (TSA) ва нақшаи Рушди устувори сайёҳии Тоҷикистон барои солҳои 2022-2030 аз ҷониби мушовирони байналмилалии Созмони умумиҷаҳонии сайёҳии Созмони Милали Муттаҳид пурра омода гардида, ба Кумита пешниҳод шудааст. Инчунин озмуни ширкатҳои машваратӣ ҷиҳати таҳияи Нақшаи генералии сайёҳии шаҳри Душанбе ва минтақаҳои атрофи он (CS4a) ва Нақшаи генералии сайёҳии Панҷакент ва минтақаҳои кӯҳҳои Фон (CS4b) оғоз гардид, ки моҳи октябри соли 2023 ба анҷом мерасанд. Дар заминаи анҷоми таҳияи нақшаҳои генералӣ тарҳи муҳандисӣ барои омода намудани чор лоиҳаи сармоягузорӣ (CS4c) барои солҳои оянда пешбинӣ шудааст. Дар айни замон татбиқи лоиҳаи мазкур тибқи  нақшаи мувофиқашудаи  Бонки осиёии рушд  идома ёфта, муҳлати анҷоми  татбиқи он  25 июни соли 2025  муқаррар шудааст.

Дар баробари ин, лоиҳаи рушди иқтисодиёти деҳот аз ҷониби Бонки ҷаҳонӣ бо арзиши 30,0 миллион доллари ИМА маблағгузорӣ шудааст, ки аз он 15,7 миллион доллари ИМА ба рушди соҳаи сайёҳӣ равона гардидааст. Лоиҳаи мазкур аз ҷониби  «Маркази татбиқи лоиҳаи дастрасӣ ба маблағгузории сабз ва маблағҳои рушди деҳот»- и Вазорати молияи Ҷумҳурии Тоҷикистон мавриди татбиқ қарор дошта, дар он масъалаҳо вобаста ба рушди инфрасохтори сайёҳӣ, аз ҷумла ба сатҳи байналмилалӣ расонидани мавзеи таърихиву табиии Чилучорчашма, мадрасаи Хоҷа Машҳад, мамнуъгоҳҳои Қалъаи Ҳулбук ва Қалъаи Ямчун, бунёди меҳмонхонаҳои хурд, утоқҳои қабули сайёҳон, мағозаҳои фурӯши армуғонҳо ва дигар инфрасохтори сайёҳӣ амалӣ гардида истодаанд.

Ёдовар мешавем, ки моҳи июни соли равон дар доираи ҷаласаи 68-уми Комиссияи Созмони умумиҷаҳонии сайёҳӣ Ҷумҳурии Тоҷикистон дар баробари Испания ва Узбекистон шомили Кумита оид ба масъалаҳои узвият барои солҳои 2023-2027 гардид. Ин муваффақият барои мавқеи Тоҷикистон ҳамчун узви фаъоли СУС нақши муҳим мебозад.

 София ШОИК,
АМИТ
«Ховар»

 АКС: АМИТ «Ховар»

Август 10, 2023 13:17

Хабарҳои дигари ин бахш

Дар Агентии «Тоҷикстандарт» вобаста ба риояи талаботи ҳуҷҷатҳои меъёрии техникӣ машварат баргузор гардид
Намояндаи Тоҷикистон дар Самарқанд бо нишони сарисинагии «Барои хизматҳо дар ҳамкории байналмилалии геологӣ» сарфароз гардонида шуд
Ширкати ҳавопаймоии «Сомон Эйр» даврҳои омодагии ибтидоӣ барои роҳбаладон ташкил намудааст
Ташаббусҳои ҷаҳонии Тоҷикистон оид ба обу иқлим дар Арабистони Саудӣ баррасӣ шуданд
Вазири рушди иқтисод ва савдои Тоҷикистон дар ҷаласаи 99-уми Шурои иқтисодии ИДМ иштирок намуд
Дар иҷлосияи XXVI Шурои байниҳукуматӣ оид ба иктишоф, истифода ва ҳифзи қаъри замини ИДМ раёсат аз Тоҷикистон ба Узбекистон гузашт
Ҳайати Тоҷикистон дар Форуми глобалии сиёсат дар Манила иштирок намуд
Дар Душанбе ҷаласаи ҳаштуми Шурои ҳамоҳангсозии миллӣ оид ба рушди соҳаи сайёҳӣ баргузор гардид
«Бонк Фридом Финанс Қазоқистон» тасмим гирифтааст, ки дар Тоҷикистон бонки фаръӣ ё филиал боз намояд
Тоҷикистон ва Корея имконияти кишоварзиро тақвият мебахшанд
Дар Самарқанд таҳти раёсати Тоҷикистон иҷлосияи XXVI Шурои байниҳукуматӣ оид ба иктишоф, истифода ва ҳифзи қаъри замини ИДМ оғоз шуд
Сарвазири Ҷумҳурии Тоҷикистон Қоҳир Расулзода бо ҳайати Бонки ҷаҳонӣ мулоқот намуд