ТАҚСИМ Ё ТАХФИФ. Чаро соҳибкорон нархи маҳсулоти муҳлаташ каммондаро сари вақт арзон наменамоянд?
ДУШАНБЕ, 02.08.2023. /АМИТ «Ховар»/. Имрӯз зимни нишасти матбуотии Агентии «Тоҷикстандарт» ба хабарнигорон иттилоъ дода шуд, ки дар шашмоҳаи аввали соли 2023 аз тарафи мутахассисони агентӣ ба миқдори 460 ҳазор 808 кг маҳсулоти гуногуни пастсифати ғизоӣ ба ҳисоб гирифта шуда, аз он 46 ҳазор кг маҳсулоти гуногуни хӯроквории муҳлати истеъмолиашон гузашта ба анбори нигоҳдории Агентӣ супорида шуд.
Ин ҷо саволе ба миён меояд, ки чаро соҳибкорон маҳсулотеро, ки муҳлати истифодааш кам мондаасту баъдан нобуд мегардад, сари вақт тахфиф ва ё ба ниёзмандону камбизоатон тақсим наменамоянд? Ба ин саволи хабарнигори АМИТ «Ховар» директори агентӣ Темурҷон Абдулваҳобзода чунин посух дод:
«Дар ин самт мутахассисони Агентӣ тавассути гузаронидани вохӯрӣ ва машварат ба фурӯшандагону соҳибкорон риояи қоидаҳои савдо ва ҳимояи ҳуқуқи истеъмолкунандагонро мефаҳмонанд».
Ба гуфтаи директори агентӣ Темурҷон Абдулваҳобзода, маҳз ҳамин корҳои фаҳмондадиҳӣ ҷой доранд, ки имрӯз дар бисёре аз марказҳои савдо гӯшаҳои алоҳида барои маҳсулоти муҳлати истифодаашон каммонда ва тахфифшуда ташкил шудаанд. Зеро иҷрои чунин амал ҳам ба фоидаи соҳибкор ва ҳам истеъмолкунанда мебошад.
Бояд тазаккур дод, ки дар бисёре аз давлатҳои пешрафта таҷрибаҳои қобили дастгирӣ амал менамоянд. Масалан, дар баъзе давлатҳо агар субҳгоҳон нархи як кило мева 10 сомонӣ бошад, бегоҳ он ба 5 сомонӣ баробар мешавад. Зеро онҳо намехоҳанд, ки маҳсулоти ба фурӯш нарафта як рӯзи дигар истода, вайрон шавад.
Ё ин ки дар баъзе давлатҳо чунин маҳсулотро соҳибкорон ба ашхоси ниёзманд садақа менамоянд.
Хуб мешуд соҳибкорону фурӯшандагони мо низ ба ин гуна иқдом пайравӣ намоянд.
Зарангези ЛАТИФ,
АМИТ «Ховар»
АКС: АМИТ «Ховар»
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
