Уқёнусҳои Замин аз сабаби тағйирёбии иқлим рангашонро иваз менамоянд
ДУШАНБЕ, 27.08.2023 /АМИТ «Ховар»/. Моҳвораҳои NASA нишон медиҳанд, ки беш аз нисфи Уқёнуси ҷаҳонӣ аз сабаби тағйирёбии иқлим, ки экосистемаҳои баҳриро халалдор месозад, сабз шудаанд. Тавре ки АМИТ «Ховар» иттилоъ медиҳад, дар ин хусус АБИ «Казинформ» бо истинод ба Euronews хабар додааст.
Тағйироти аҷиби ранги уқёнус боиси таҳқиқоти олимон гардидааст. Маълумоти моҳвораӣ нишон медиҳанд, ки дар тӯли 20 соли охир дар 56% -и ҳудуди Уқёнуси ҷаҳонӣ тағйирёбии ранг аз кабуд ба сабз ба амал омадааст. Ин тағйирот махсусан дар минтақаҳои тропикии наздик ба экватор ба назар мерасад.
Ба гуфтаи муҳаққиқон, ин сабзшавии каме намоёни уқёнусҳо нишон медиҳад, ки тағирёбии иқлим ба ҳаёти зериобӣ таъсир мерасонад.
Тавре муаллифони таҳқиқот мегӯянд, тағйирёбии ранги уқёнус метавонад тағйиротро дар ҳолати экосистемаҳои он инъикос намояд. Ранги кабуди амиқ нишондиҳандаи паст будани сатҳи зиндагӣ дар зери об ва сояҳои сабзи он баръакс ба афзоиши фаъолияти растаниҳои зериобӣ ишора мекунанд.
Барои омӯзиши амиқи тағйироти ранги уқёнус моҳи январи соли 2024 ба нақша гирифта шудааст, ки киштии кайҳонии NASA бо номи Pace сар дода шавад. Он маҷмуи ҷисмҳои растанӣ ё ҳайвоноти баҳрӣ, аэрозолҳо, абрҳо ва экосистемаи уқёнусро мушоҳида менамояд.
Азиза ИКРОМ,
АМИТ «Ховар»
АКС аз манбаъҳои боз
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
НАВРӮЗИ ФАЙЗРЕЗ. Ин ҷашн дар таълифоти Абурайҳони Берунӣ ҷойгоҳ ва мақоми хосса дорад
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
