Ҳайати Тоҷикистон дар ҷаласаи 67-уми Шурои роҳбарони мақомоти омори Иттиҳоди Давлатҳои Мустақил иштирок намуд
ДУШАНБЕ, 19.09.2023 /АМИТ «Ховар»/. Ҳайати Агентии омори назди Президенти Ҷумҳурии Тоҷикистон таҳти роҳбарии Директори Агентии омори назди Президенти Ҷумҳурии Тоҷикистон Ҷамшед Нурмуҳаммадзода дар Форуми байналмилалии таҳиякунанда ва истифодабарандагони маълумоти оморӣ ва ҷаласаи навбатии 67-уми Шурои роҳбарони мақомоти омори мамлакатҳои Иттиҳоди Давлатҳои Мустақил /ИДМ/, ки дар шаҳри Санкт — Петербурги Русия доир гардид, иштирок намуд. Дар ин хусус АМИТ «Ховар» бо истинод ба Агентии омори назди Президенти Ҷумҳурии Тоҷикистон иттилоъ медиҳад.
Форуми байналмилалӣ бо ибтикори Кумитаи омори Иттиҳоди Давлатҳои Мустақил гузаронида шуд. Гирд овардани намояндагони мақомоти омори давлатҳои аъзо, ки дар раванди таҳияи маълумоти оморӣ масъул мебошанд, тадбирҳои баланд бардоштани сифати маълумоти омори расмӣ, такомули мунтазам ва ҳамоҳангсозии низоми омори миллӣ ба низоми омори байналмилалӣ ва принсипҳои асосии омори расмӣ, раванди рақамикунонии иттилооти оморӣ, истифодаи захираҳои инсонӣ дар раванди таҳияи маълумоти оморӣ мутобиқ ба меъёрҳои байналмилалӣ ҳадафҳои асосии форум мебошанд.
Дар Форуми байналмилалӣ Директори Агентии омори назди Президенти Ҷумҳурии Тоҷикистон Ҷамшед Нурмуҳаммадзода дар мавзуи «Навкунии низоми омори миллӣ» маъруза намуд.
Дар ҳошияи форум ҷаласаи навбатии 67-уми Шурои роҳбарони мақомоти омори давлатҳои ИДМ баргузор гардид, ки дар он аз ҷониби роҳбарони мақомоти омори давлатҳо масъалаҳои мубрам матраҳ ва қарорҳои дахлдор қабул гардиданд.
АКС: Агентии омори назди Президенти Ҷумҳурии Тоҷикистон
Агентии инноватсия ва технологияҳои рақамӣ ва Бонки рушди Авруосиё санади ҳамкорӣ ба имзо расониданд
«РАҚАМИКУНОНИИ МИНТАҚАҲОИ ОЗОДИ ИҚТИСОДӢ». Дар форуми байналмилалӣ 12 санади ҳамкорӣ имзо шуд
Дар Тоҷикистон нахустин коргоҳи истеҳсоли ранги хокавӣ барои хатҳои уфуқии роҳҳои мошингард ба истифода дода шуд
Дар шаш моҳи соли 2026 ҳаҷми гардиши савдо байни Тоҷикистон ва Озарбойҷон ба 10,2 миллион доллар расид
Тоҷикистон 85 фоизи аҳолиро бо маҳсулоти ғизоии ватанӣ таъмин мекунад
Аъзои ҳайати Фландрияи Подшоҳии Белгия бо фаъолияти «Шаҳри ҳушманд» шинос гардиданд
Тоҷикистон ва ЮНИСЕФ ҳамкориро дар самти рушди сармояи инсонӣ ва рақамикунонӣ густариш медиҳанд
Агентии «Тоҷикстандарт» дар шаҳри Душанбе 110 кг маҳсулоти гуногуни ҳасибии пастсифат ва ғайристандартиро ошкор намуд
Тақвияти ҳамкорӣ дар соҳаи ҳифзи муҳити зист байни Тоҷикистон ва Муғулистон баррасӣ гардид
Пиряхҳоро аз обшавӣ бояд ҳифз намуд, — бардошт аз конфронси байналмилалии илмӣ-амалӣ дар Душанбе
Содироти маҳсулоти Тоҷикистон ба Чин баррасӣ шуд
РАҚАМИКУНОНИИ СОҲАИ ОБ. Барои Тоҷикистон ин масъала аҳаммияти махсус дорад
