Ҳамкорӣ байни Агентии хизмати давлатии Тоҷикистон ва Бунёди Ҳаннс Зайдел дар Осиёи Марказӣ тақвият меёбад
ДУШАНБЕ, 27.09.2023 /АМИТ «Ховар»/. Директори Агентии хизмати давлатии назди Президенти Ҷумҳурии Тоҷикистон Ҷумъа Давлатов бо роҳбари намояндагии Бунёди Ҳаннс Зайдел (Олмон) дар Осиёи Марказӣ Макс Георг Майер вохӯрӣ намуд. Дар ин хусус ба АМИТ «Ховар» дар Агентии хизмати давлатӣ хабар доданд.
Ҷонибҳо аз ҳамкории судманд ва тӯлонӣ, ки аз соли 2009 то инҷониб идома доранд, изҳори қаноатмандӣ намуданд.
Ҳамкории Агентии хизмати давлатӣ бо Бунёди Ҳаннс Зайдел (Олмон) дар Осиёи Марказӣ гуногунҷабҳа буда, дар самтҳои гуногун, аз ҷумла таҳсили хизматчиёни давлатии Ҷумҳурии Тоҷикистон дар Академияи идоракунии давлатии назди Президенти Ҷумҳурии Қазоқистон дар доираи маблағгузории Бунёди Ҳаннс Зайдел (Олмон), ташкили чорабиниҳои омӯзишӣ барои хатмкардагони магистратура бо мусоидати Бунёди Ҳаннс Зайдел (Олмон), ташкили сафари хизматию омӯзишии хизматчиёни давлатӣ дар хориҷи мамлакат ва ғайра амалӣ мешавад.
Ҷониби Бунёди Ҳаннс Зайдел изҳор дошт, ки омода аст дар ин самтҳо ҳамкориро бо Агентии хизмати давлатӣ боз ҳам тақвият бахшад.
Ҳамкорӣ ва маблағгузорои Бунёди Ҳаннс Зайдел (Олмон) дар Осиёи Марказӣ ҳар се сол ба нақша гирифта шуда, соли равон даври ҷамъбастӣ мебошад. Даври маблағгузории навбатӣ барои солҳои 2024-2026 то нимаи дуюми моҳи октябри соли 2023 оғоз меёбад.
Ҷонибҳо изҳор намуданд, ки ҳамкории минбаъда низ дар сатҳи баланд амалӣ мешавад.
АКС: Агентии хизмати давлатии назди Президенти Ҷумҳурии Тоҷикистон
Дар Кумита оид ба таҳсилоти ибтидоӣ ва миёнаи касбӣ бахшида ба Даҳсолаи байналмилалӣ оид ба таҳкими сулҳ ҳамоиши тантанавӣ баргузор шуд
Дар Агентии суғуртаи иҷтимоӣ ва нафақа оид ба саҳми Пешвои миллат дар пойдории сулҳ ва ваҳдати миллӣ филми ҳуҷҷатӣ намоиш дода шуд
Дар Кумитаи кор бо занон ва оила бахшида ба қабули қатъномаи Даҳсолаи байналмилалӣ оид ба таҳкими сулҳ барои наслҳои оянда ҳамоиш доир шуд
«ПЕШВОИ МИЛЛАТ — ПЕШВОИ СУЛҲ ВА ТАШАББУСКОРИ ИҚДОМҲОИ ҶАҲОНӢ». Таҳти ин унвон ҳамоиши ҳизбиён баргузор гардид
Раиси Кумитаи кор бо занон ва оилаи Тоҷикистон дар Форуми занони Созмони ҳамкории Шанхай иштирок намуд
ФАРҲАНГИ СУЛҲИ ТОҶИКОН – НАМУНАИ СУЛҲ ДАР ҶАҲОН. Таҳти ин унвон ҳамоиши сиёсӣ ва маърифатӣ баргузор гардид
Дар Вазорати адлия бахшида ба Рӯзи Ваҳдати миллӣ ҳамоиш баргузор шуд
Дар Маркази тадқиқоти стратегӣ бахшида ба қабули Даҳсолаи байналмилалӣ оид ба таҳкими сулҳ конфронс доир шуд
Дар мавзуи «Эмомалӣ Раҳмон — ташаббускор ва таҳкимбахши сулҳ ва суботи сиёсии ҷомеаи ҷаҳонӣ» ҳамоиш доир шуд
Дар Кумита оид ба таҳсилоти ибтидоӣ ва миёнаи касбӣ Рӯзи Ваҳдати миллиро ҷашн гирифтанд
Дар фурудгоҳҳои Тоҷикистон оид ба муҳоҷирати меҳнатӣ корҳои фаҳмондадиҳӣ гузаронида мешаванд
Кумитаи Иҷроияи Марказии ҲХДТ бахшида ба Рӯзи Ваҳдати миллӣ ҳамоиши сиёсӣ баргузор намуд
