Қарори Раиси шаҳри Душанбе Рустами Эмомалӣ дар бораи ҳавасманд гардонидани иштирокчиёни Бозиҳои 19-уми тобистонаи Осиёӣ тасдиқ гардид
ДУШАНБЕ, 28.09.2023. /АМИТ «Ховар»/. Қарори Раиси шаҳри Душанбе муҳтарам Рустами Эмомалӣ дар бораи ҳавасманд гардонидани иштирокчиёни Бозиҳои 19-уми тобистонаи Осиёӣ тасдиқ гардид. Дар ин хусус ба АМИТ «Ховар» дар шуъбаи иттилоотии дастгоҳи Раиси шаҳри Душанбе хабар доданд.
Тибқи ин қарор, ба иштирокчиёни Бозиҳои 19-уми тобистонаи Осиёӣ, ки дар Ҷумҳурии Мардумии Чин баргузор мегардад, барои ишғоли ҷойи якум — манзили истиқоматии сеҳуҷрадор, ҷои дуюм — манзили истиқоматии дуҳуҷрадор ва ҷойи сеюм — манзили истиқоматии якҳуҷрадор аз ҳисоби моликияти коммуналии шаҳри Душанбе тариқи ройгон ҳамчун моликияти хусусӣ дода мешавад.
Мақсад аз он ҳавасманд гардонидани варзишгарон ҷиҳати ноил шудан ба натиҷаҳои баланди варзишӣ ва рушди варзиш дар мамлакат мебошад.
Раиси шаҳри Душанбе Муассисаи давлатии «Маркази баҳисобгирӣ ва идораи фонди манзил»-и Мақомоти иҷроияи ҳокимияти давлатии шаҳри Душанберо муваззаф намудаанд, ки ба ғолибон манзилномаи «Манзили шахсӣ»-ро таъмин намояд.
АКС: шуъбаи иттилоотии дастгоҳи Раиси шаҳри Душанбе
Даври шаҳрии Фестивал-озмуни ҷумҳуриявии «Як матову сад ранг» баргузор гардид
Дар Душанбе даври шаҳрии Озмуни ҷумҳуриявии «Кадбонуи беҳтарин» баргузор шуд
СОКИНИ ПОЙТАХТ БУДАН ИФТИХОР АСТ! Имрӯз Душанбе гаҳвораи тамаддуни миллати тоҷик гардидааст
Душанбе бо зебоӣ ва тароваташ байни сокинон ва сайёҳон ҳамчун «шаҳри гулҳо» маъруф аст
РӮЗИ ПОЙТАХТ. Душанбе маркази ташаккул ва рушди кластерҳои инноватсионӣ мебошад
ДУШАНБЕ — ШАҲРИ СУЛҲУ СУБОТ ВА ВАҲДАТИ МИЛЛӢ. Иқтибосҳо аз суханрониҳои Президенти Тоҷикистон ба муносибати Рӯзи пойтахт
Фарҳод Раҳимӣ: «Рушди шаҳри Душанбе дар замони муосир ва нақши Раиси шаҳр муҳтарам Рустами Эмомалӣ дар шаклгирии фазои иҷтимоӣ ва маънавӣ»
ЧУ ДИЛ ДАР СИНААМ ҶОӢ, ДУШАНБЕ… Симои пойтахти Тоҷикистон ба таври шинохтанашаванда дигаргун шудааст
ДУШАНБЕ — ШАҲРИ «САБЗ». Дар пойтахт давоми 9 соли охир зиёда аз 130 миллион дона гули мавсимию бисёрсола шинонида шудааст
НАҚШИ РУСТАМИ ЭМОМАЛӢ ДАР ТАШАККУЛИ СИМОИ НАВИ ПОЙТАХТИ ТОҶИКИСТОН. Ба Рӯзи пойтахти Ҷумҳурии Тоҷикистон бахшида мешавад
Пагоҳ дар Душанбе ниммарафони XVI байналмилалӣ баргузор мегардад
ДУШАНБЕ — ШАҲРИ ҲУШМАНД ВА БЕХАТАР. Ба Рӯзи пойтахти Ҷумҳурии Тоҷикистон бахшида мешавад
