Дар Агентии «Тоҷикстандарт» вобаста ба риояи талаботи ҳуҷҷатҳои меъёрии техникӣ машварат баргузор шуд

ДУШАНБЕ, 23.09.2023 /АМИТ «Ховар»/. Дар Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон бо намояндагони корхонаҳои истеҳсоли қубурҳои полиэтиленӣ дар мавзуи «Риояи талаботи ҳуҷҷатҳои меъёрии техникӣ- омили рушди истеҳсоли маҳсулоти босифат ва рақобатпазир» машварат доир шуд. Дар ин хусус ба АМИТ «Ховар» дар Агентии «Тоҷикстандарт» иттилоъ доданд.

Гуфта шуд, ки ба низом даровардани фаъолияти корхонаҳои истеҳсолӣ асосан тибқи санадҳои меъёрӣ — техникӣ ба роҳ монда мешавад. .Агентии «Тоҷикстандарт» барои таъмини ҳуҷҷатҳои меъёрӣ — техникӣ ба корхонаҳои ватанӣ кӯшиш ба харҷ медиҳад, зеро ин омили муҳим ба корхонаҳо имконият медиҳад, ки маҳсулоти босифати рақобатпазир истеҳсол намоянд ва дар баланд бардоштани иқтидори содиротии мамлакат низ саҳм гузоранд.

Мутахассисон бо маъруза ва рӯнамо баромад намуда, роҷеъ ба масъалаҳои баррасишаванда мулоҳизаҳои худро иброз доштанд.

АКС: Агентии «Тоҷикстандарт»