Дар Ашт Мусобиқаи ҷумҳуриявӣ оид ба гӯштини тарзи озод байни наврасон оғоз шуд

ДУШАНБЕ, 21.09.2023. /АМИТ «Ховар»/. Мусобиқаи ҷумҳуриявӣ оид ба гӯштини тарзи озод байни наврасони солҳои таваллудашон 2006-2008 ва 2009-2011 (писарон ва духтарон) 20 сентябр дар ноҳияи Ашти вилояти Суғд оғоз гардид. Дар ин хусус ба АМИТ «Ховар» дар Мақомоти иҷроияи ҳокимияти давлатии ноҳияи Ашт хабар доданд.

Дар мусобиқа Раиси ноҳияи Ашт Шӯҳрат Муҳаммадзода, роҳбарони сохторҳои қудратӣ ва шахсони масъули ноҳия иштирок намуданд.

Дар оғози мусобиқа вобаста ба фароҳам овардани  шароити мусоид барои варзишгарон аз ҷониби Пешвои миллат муҳтарам Эмомалӣ Раҳмон  сухан гуфта шуд.

Дар мусобиқаи гӯштини тарзи озод дастаҳо аз шаҳри Душанбе, Кӯлоб,  Исфара, Конибодом, Истаравшан, Панҷакент, Бохтар, Хуҷанд, вилояти Хатлон, ноҳияи Ҷаббор Расулов, Спитамен, Бобоҷон Ғафуров ва ноҳияи Ашт бо фарогирии зиёда аз 380 нафар варзишгар иштирок доранд.

АКС: Хадамоти матбуоти Раиси ноҳияи Ашт