Дар деҳаи Рахшонзамини деҳоти Корези ноҳияи Данғара бинои Муассисаи таҳсилоти миёнаи умумии рақами 81 ифтитоҳ гардид
ДУШАНБЕ, 01.09.2023 /АМИТ «Ховар»/. Имрӯз, 1 сентябр дар доираи сафари кории Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар деҳаи Рахшонзамини деҳоти Корези ноҳияи Данғара Муассисаи таҳсилоти миёнаи умумии рақами 81 мавриди баҳрабардорӣ қарор дода шуд.
Бинои навтаъсис аз ду ошёна иборат буда, дорои синфхонаҳои барҳавои таълимӣ барои 500 хонанда дар ду баст мебошад.
Бинои таълимӣ дар масоҳати умумии 7 308 метри мураббаъ бунёд гардида, аз 10 синфхонаи таълимӣ, як синфхонаи компютерӣ, хонаи омӯзгорон ва дигар иншооти ёрирасон иборат мебошад.
Ҳамзамон барои гарм нигоҳ доштани бинои муассиса дар фасли зимистон дар ҳамаи синфхонаҳои таълимӣ гармидиҳандаҳои буғӣ насб гардида, дар доираи корҳои ободонӣ атрофи бино сангфарш ва бо панҷараҳои оҳанин оро дода шудааст.
Бинои Муассисаи таҳсилоти миёнаи умумии рақами 81 бо дастгирии Ҳукумати Ҷумҳурии Тоҷикистон ва ҷалби шарикони рушд бунёд гардида, дар ин ҷо барои хонандагон беҳтарин шароит фароҳам мебошад.
Бояд гуфт, ки дар замони Истиқлолияти давлатӣ барои рушди соҳаи маориф ва беҳтарсозии шароити таълиму тарбия ба хонандагону омӯзгорон тадбирҳои зарурӣ амалӣ гардида, биноҳои замонавии ҷавобгӯ ба талабот сохта, мавриди истифода қарор дода шуданд, ки ин иқдом барои дар оянда ба камол расидани ҷавонони ватандӯсту ташаббускор заминаи воқеӣ мегузорад.
АКС аз бойгонии АМИТ «Ховар»
Президенти Ҷумҳурии Тоҷикистон Эмомалӣ Раҳмон дар ноҳияи Деваштич муассисаи таҳсилоти миёнаи умумии №70-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон ба таври фосилавӣ дар шаҳри Истаравшан 12 иншоотро мавриди истифода қарор доданд
Пешвои миллат Эмомалӣ Раҳмон дар шаҳри Истаравшан бинои маҷмааи миллии соҳибкории «Роҳи Абрешим»-ро мавриди истифода қарор доданд
Сарвари давлат Эмомалӣ Раҳмон дар ноҳияи Шаҳристон дар Иди картошка иштирок намуданд
Сарвари давлат Эмомалӣ Раҳмон дар ноҳияи Шаҳристон барои бунёди 2 корхона санги асос гузоштанд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳристон муассисаи таълимии хусусии литсейи «Идрок»-ро ифтитоҳ намуданд
Пешвои миллат Эмомалӣ Раҳмон ба таври фосилавӣ дар ноҳияҳои Шаҳристон ва Айнӣ 9 иншоотро мавриди истифода қарор доданд
Сарвари давлат Эмомалӣ Раҳмон дар ноҳияи Шаҳристон муассисаи таҳсилоти томактабии хусусии «Ғунчаи баҳор»-ро ба истифода доданд
Президенти Ҷумҳурии Тоҷикистон Эмомалӣ Раҳмон ба таври фосилавӣ як иншоот дар ноҳияи Бобоҷон Ғафуров ва 13 иншоот дар шаҳри Конибодомро мавриди истифода қарор доданд
Пешвои миллат Эмомалӣ Раҳмон дар ноҳияи Бобоҷон Ғафуров корхонаи коркарди меваю сабзавот, истеҳсоли нӯшокиҳои ташнагишикан ва афшураҳои мевагии ҶДММ «Сирдарё»-ро ба истифода доданд
Сарвари давлат Эмомалӣ Раҳмон бинои кумитаи иҷроияи Ҳизби Халқии Демократии Тоҷикистонро дар вилояти Суғд мавриди баҳрабардорӣ қарор доданд
