Дар Душанбе ҷаласаи ҳаштуми Шурои ҳамоҳангсозии миллӣ оид ба рушди соҳаи сайёҳӣ баргузор гардид
ДУШАНБЕ, 22.09.2023 /АМИТ «Ховар»/. Имрӯз таҳти раёсати муовини Сарвазири Ҷумҳурии Тоҷикистон Матлубахон Сатториён ҷаласаи ҳаштуми Шурои ҳамоҳангсозии миллӣ оид ба рушди соҳаи сайёҳӣ баргузор гардид. Дар ин хусус хабарнигори АМИТ «Ховар» аз Китобхонаи миллии Тоҷикистон- макони баргузории ҷаласа хабар медиҳад.
Дар кори Шуро роҳбарияти вазорату идораҳо, намояндагони Вилояти Мухтори Кӯҳистони Бадахшон, вилоятҳои Суғду Хатлон, шаҳри Душанбе, шаҳру ноҳияҳои тобеи ҷумҳурӣ, кормандони масъули Кумитаи рушди сайёҳӣ, намояндагони ассотсиатсияҳо ва ширкатҳои сайёҳӣ иштирок намуданд.
Дар ҷаласа таъкид шуд, ки Ҷумҳурии Тоҷикистон ҳамчун давлати дорои захираҳои бойи сайёҳӣ дар арсаи байналмилалӣ мавқеи худро устувор намуда, таваҷҷуҳи гардишгарони хориҷӣ рӯз ба рӯз ба мамлакати мо бештар мешавад.
Тибқи маълумоти оморӣ, дар шашмоҳаи якуми соли 2023 шумораи умумии шаҳрвандони хориҷӣ, ки ба Тоҷикистон омадаанд, 627 ҳазору 931 нафарро ташкил медиҳад, ки нисбат ба соли гузашта 181 ҳазору 876 нафар ва ё 40,7 фоиз зиёд мебошад. Аз ин шумора 487 ҳазору 403 нафар тибқи методологияи Созмони умумиҷаҳонии сайёҳӣ ба ҳайси сайёҳ арзёбӣ шудаанд. Ин шумора нисбат ба соли гузашта 32 фоиз зиёд мебошад.
Иттилоъ дода шуд, ки баҳри рушди соҳаи сайёҳӣ имрӯз тамоми заминаҳои меъёрӣ-ҳуқуқӣ таъмин буда, «Стратегияи рушди сайёҳӣ дар Ҷумҳурии Тоҷикистон барои давраи то соли 2030» дар амал татбиқ шуда истодааст.
Дар хотимаи ҷаласаи Шуро аз ҷониби муовини Сарвазири мамлакат барои бартараф намудани камбудӣ ва мушкилоти ҷойдошта, татбиқи босамари ҳадафҳои Ҳукумати мамлакат оид ба рушди устувори бахши сайёҳӣ, иҷрои босифати «Нақшаи чорабиниҳо оид ба амалисозии «Стратегияи рушди сайёҳӣ дар Ҷумҳурии Тоҷикистон барои давраи то соли 2030» барои солҳои 2023-2026», омодасозии соҳа ба пазироии сайёҳон дар шароити баъдибуҳронӣ, хуусан рушди сайёҳии дохилӣ дастуру супоришҳо дода шуданд.
А. САНГЗОДА,
АМИТ «Ховар»
Раиси Кумитаи рушди сайёҳии Ҷумҳурии Тоҷикистон дар ҷаласаи СҲШ иштирок намуд
«ХАТЛОН — САРЗАМИНИ ТАМАДДУНҲО ВА САЁҲАТ». Дар Муъминобод форум ва намоиши байналмилалии сайёҳӣ баргузор мегардад
Дар Донишгоҳи байналмилалии сайёҳӣ ва соҳибкории Тоҷикистон ғолибони Олимпиадаи байналмилалӣ қадрдонӣ карда шуданд
Дар Донишкадаи байналмилалии Левакант конфронси илмӣ-амалӣ доир гардид
Дар Душанбе ҳамкории давлат, илм ва бахши хусусӣ дар таъмини рушди устувори соҳибкорӣ муҳокима гардид
Ҳамкории Донишгоҳи байналмилалии сайёҳӣ ва соҳибкории Тоҷикистон бо муассисаҳои таҳсилоти олии Русия тақвият меёбад
Ба муносибати Рӯзи пойтахт хатсайри сайёҳии «Сайри шомгоҳии Душанбе» ташкил карда мешавад
Дар конфронси байналмилалӣ тамоюлҳои муосири таъмини ҳуқуқии рушди устувор, рақамикунонӣ ва зеҳни сунъӣ баррасӣ шуданд
САЙЁҲӢ — МУҲАРРИКИ РУШДИ УСТУВОР. Дар Душанбе дар ин мавзуъ конфронси байналмилалӣ баргузор шуд
Форуми сеюми байналмилалии «Суғд–чорроҳаи Роҳи Бузурги Абрешим» оғоз шуд
Донишгоҳи байналмилалии сайёҳӣ ва соҳибкории Тоҷикистон расман ҳамоҳангсози миллии шабакаи «UI GreenMetric» ва ташаббусҳои «сабз» дар Тоҷикистон гардид
Бахшида ба Рӯзи пойтахти Ҷумҳурии Тоҷикистон намоиши аксҳои Душанбе оғоз ёфт
