Дар ноҳияи Восеъ оид ба тозагии маҳал ва соҳил ташаббус нишон дода шуд
ДУШАНБЕ, 05.09.2023 /АМИТ «Ховар»/. Ба муносибати 32-солагии Истиқлолияти давлатии Ҷумҳурии Тоҷикистон бо ибтикори шуъбаи ҳифзи муҳити зисти ноҳияи Восеъ дар якҷоягӣ бо мақомоти иҷроияи ҳокимияти давлатии ноҳия, Раёсати кор бо ҷавонон ва варзиши ноҳия, аҳли ҷамоат ва ҷалби кормандони касбу кори гуногун дар маркази шаҳрак ва ҷамоатҳои деҳоти ноҳия оид ба тозагии маҳал ва соҳил ташаббус нишон дода шуд.
Сардори шуъбаи ҳифзи муҳити зисти ноҳия Фирӯз Нуралиев ба АМИТ «Ховар» гуфт, ки мақсад аз гузаронидани иқдом ва чорабиниҳои экологӣ- ин дар сатҳи баланд пешвоз гирифтани ҷашни бузурги миллиамон мебошад. Тозаю озода нигоҳ доштани кӯчаю маҳал ва каналу ҷӯйҳо, инчунин шинонидани гулҳои мавсимӣ, дарахтони ҳамешасабзу сояафкан аз ҷумлаи корҳои иҷрошуда мебошанд.
Дар ин маъракаи ободонӣ беш аз 800 нафар кормандони ташкилоту муассисаҳо, аз ҷумла кормандони хоҷагии манзилию коммуналӣ, идораи роҳ, ҷавонон, аҳли ҷамоат ва дигар ташкилоту муассисаҳо фаъолона иштирок намуда, дар тозагии кӯчаю маҳали худ ва соҳили ҷӯйю дарёҳо саҳм гузоштанд. Беш аз 2 километр канали обгузар дар Ҷамоати деҳоти Гулистон, ҷамоатҳои деҳоти Миралӣ Маҳмадалӣ, Рӯдакӣ, Вайсов, Худоёр Раҷабов ва Ҷамоати деҳоти Тугараки ноҳия аз тариқи техникаю трактор тоза шуданд.
Дар баробари ташаббуси тозагии маҳал ва соҳил ҳар ҳафта рӯзҳои шанбе дар назди корхонаву ташкилот, муассиса ва ҷамоатҳои деҳоти ноҳияи Восеъ ба хотири баланд бардоштани маърифати экологии сокинон ва тозаю озода нигоҳ доштани назди корхонаву ташкилот, муассисаву марказҳои саломатӣ, бозорҳо, марказҳои савдою хизматрасонӣ ва атрофи кӯчаю маҳал ҳашари умуминоҳиявӣ гузаронида мешавад.
АКС: АМИТ «Ховар»
Эмомалӣ Раҳмон: «Наврӯзро ба шукронаи сулҳу оромӣ дар давраи омодагӣ ба ҷашни бузурги миллӣ – 35-солагии Истиқлоли давлатӣ пешвоз мегирем»
Дар Донишгоҳи давлатии ҳуқуқ, бизнес ва сиёсати Тоҷикистон Наврӯз бо оростани хаймаҳои наврӯзӣ таҷлил шуд
Бахшида ба Ҷашни байналмилалии Наврӯз дар ноҳияи Ёвон иншооти ҷашнӣ ифтитоҳ гардид
Дар Донишкадаи давлатии санъати тасвирӣ ва дизайни Тоҷикистон намоиши «Баҳори Истиқлол» баргузор шуд
Сохтмони муҷассама дар гардиши дараи Алмосии шаҳри Ҳисор ба анҷом мерасад
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
СИЁСАТИ ФАРҲАНГПАРВАРОНАИ ПЕШВОИ МИЛЛАТ – ЗАМИНАИ ГУСТАРИШИ МАЪРИФАТ ВА ХУДШИНОСИИ МИЛЛӢ. Дар ҳошияи Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ
СОЛИ ОБОДОНИЮ БУНЁДКОРӢ. Дар Ҷамоати деҳоти Овчиқалъача биноҳои иловагии муассисаҳои маорифу тандурустӣ сохта мешаванд
35-СОЛАГИИ ИСТИҚЛОЛИ ДАВЛАТӢ. Дар шаҳри Бӯстон бинои меҳмонхонаи «Хуҷанд» пурра таҷдиду навсозӣ мегардад
Роҳҳои мошингарди ноҳияи Муъминобод таҷдиду навсозӣ мегарданд
35-СОЛАГИИ ИСТИҚЛОЛИ ДАВЛАТӢ. Дар шаҳри Хуҷанд сохтмони иншооти ҷашнӣ вусъат меёбад
Дар ноҳияи Муъминобод корҳои сохтмонӣ вусъати тоза меёбанд
