Дар шаҳри Хоруғ Озмуни ҷумҳуриявии «Илм-фурӯғи маърифат» оғоз ёфт
ХОРУҒ, 26.09.2023 /АМИТ «Ховар»/. Дар шаҳри Хоруғи Вилояти Мухтори Кӯҳистони Бадахшон даври вилоятии Озмуни ҷумҳуриявии «Илм-фурӯғи маърифат» бо ҷалби 290 нафар довталабон аз рӯи 7 номинатсия баргузор гардид, хабар медиҳад мухбири минтақавии АМИТ «Ховар» Файз Мирасан.
Муовини раиси вилоят Абдулназар Абдулназарзода зимни мулоқот бо ҳайати ҳакамону довталабон изҳор намуд, ки «ин озмун дар асоси амри Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо мақсади амалисозии «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» барои солҳои 2020-2040 ва ҷиҳати рушди тафаккури техникӣ, васеъ намудани ҷаҳонбинии илмӣ, дастрасӣ пайдо намудан ба техникаву технология, ихтироъкорӣ ва навоварӣ, пайвастани илм бо истеҳсолот, ҷалби бештари хонандагону донишҷӯён ва дигар қишрҳои ҷомеа ба омӯзиши фанҳои табиатшиносӣ, дақиқ ва риёзӣ, инчунин дарёфти истеъдодҳои нав эълон гардид».
Дар даври вилоятии Озмуни ҷумҳуриявии «Илм-фурӯғи маърифат» 290 нафар ғолибони даврҳои шаҳриву ноҳиявӣ иштирок намуда, барои гирифтани роҳхат ба озмуни ҷумҳуриявӣ байни ҳам рақобат менамоянд. Озмун аз рӯи номинатсияҳои математика-арифметика, алгебра-геометрия, технологияи иттилоотӣ, физика-химия, география, биология–ботаника, зоология-анатомия ва ихтироъкорӣ-навоварӣ гузаронида мешавад.
Муовини раиси вилоят аз ҳайати ҳакамон хост, ки дар баҳогузорӣ ба дониш, маҳорату малакаи ҳар довталаб аҳамияти ҷиддӣ диҳанд ва довталабонро низ даъват намуд, ки агар ба баҳои гузоштаи ҳакамон норозӣ бошанд, бо аризаи асоснок ба Комиссияи тадорукот муроҷиат намоянд.
Муассисаи давлатии Мактаби президентии шаҳри Хоруғ синфхонаҳои фанниро пешакӣ бо маводи зарурӣ таъмин намуд, то довталабони озмун имконият дошта бошанд тамоми дониши назариявию амалии худро нишон диҳанд. Дар ин озмун 290 довталаб иштирок дорад ва пас аз се рӯз маълум хоҳад шуд, ки киҳо ба озмуни ҷумҳуриявӣ роҳхат мегиранд.
АКС: АМИТ «Ховар
«ФУРӮҒИ СУБҲИ ДОНОӢ КИТОБ АСТ». Дар Суғд барои дар сатҳи баланд гузаронидани озмун 896 ҳазор сомонӣ ҷудо гардид
Имрӯз дар Душанбе намоиш-фурӯши китоб баргузор мегардад
Моҳи март дар Душанбе Фестивали «Сад ранги чакан» ва намоиш-фурӯши маҳсулоти нақшдӯзиву зардӯзии чаканӣ баргузор мешаванд
Ҳунармандони Театри давлатии академии калони Узбекистон ба номи Алишер Навоӣ ба Тоҷикистон меоянд
«САД РАНГИ ЧАКАН». Дар Исфара даври шаҳрии фестивали ҷумҳуриявӣ баргузор шуд
Дар муассисаҳои илмии Академияи миллии илмҳои Тоҷикистон 20 озмоишгоҳи замонавӣ ба истифода дода шуд
Донишҷӯёни тоҷики Донишкадаи умумирусиягии кинематографияи шаҳри Москва бо хобгоҳ ва стипендия таъмин карда мешаванд
НИШАСТИ МАТБУОТӢ. Донишкадаи давлатии санъати тасвирӣ ва дизайни Тоҷикистон бо 19 муассисаи таҳсилоти олии хориҷӣ ҳамкорӣ дорад
НИШАСТИ МАТБУОТӢ. Донишҷӯёни Консерваторияи миллӣ дар Озмуни ҷумҳуриявии «Тоҷикистон — Ватани азизи ман» соҳиби Шоҳҷоиза ва ҷойҳои намоён гардиданд
Агентиҳои иттилоотии Тоҷикистон ва Чин ба марҳалаи нави ҳамкорӣ ворид мешаванд
Таҳкими ҳамкорӣ дар самти дастгирии иттилоотӣ ва тарғиби сиёсати дӯстонаи Тоҷикистон ва Чин баррасӣ шуд
Ба бузургдошти мутафаккири барҷастаи тоҷик Абӯалӣ ибни Сино симпозиуми байналмилалӣ доир мешавад
