Франсис Малиж: «Низоми бонкии Тоҷикистон ба нишондиҳандаҳои хуби иқтисодӣ ноил гардидааст»
ДУШАНБЕ, 28.09.2023 /АМИТ «Ховар»/. Вазъи кунунии бахши молиявӣ, низоми бонкии мамлакат ва тавсеаи ҳамкории Тоҷикистон бо Бонки Аврупоии Таҷдид ва Рушд (БАТР) дар мулоқоти Раиси Бонки миллии Тоҷикистон Ҳоким Холиқзода бо ҳайати Бонки Аврупоии Таҷдид ва Рушд (БАТР) таҳти роҳбарии Директори иҷроияи департаменти БАТР оид ба ҳамкорӣ бо институтҳои молиявӣ Франсис Малиж дар Душанбе баррасӣ шуд. Дар ин хусус АМИТ «Ховар» бо истинод ба Бонки миллии Тоҷикистон иттилоъ медиҳад.
Иброз гардид, ки Раиси Бонки миллии Тоҷикистон Ҳоким Холиқзода саҳми БАТР-ро дар таҳкими низоми бонкии Тоҷикистон, аз ҷумла тақвияти идоракунии корпоративӣ, рушди бозори асъор ва сармоя, мукаммал гардонидани сиёсати пулию қарзӣ, инчунин баланд бардоштани тахассуси кормандони бахши низоми бонкии мамлакат назаррас арзёбӣ намуд. Таъкид шуд, ки БАТР бо бахши низоми бонкии мамлакат дар ташкили машғулияти бозомӯзӣ барои иштирокдорони бозори молиявии Тоҷикистон фаъолона ҳамкорӣ менамояд, ки он барои пешрафти иқтисодии ҷумҳурии мо муҳим мебошад.
Мусоҳибон доир ба оғози марҳилаи дуюми маблағгузории иқтисоди “сабз”, хавфҳои тағйирёбии иқлим, дастгирии имконияти рушди устувори бозори суғурта дар Тоҷикистон, сармоягузории ташкилоти қарзии молиявӣ ва ҳавасмандии Бонки миллии Тоҷикистон барои идомаи ҳамкорӣ бо БАТР мубодилаи афкор намуда, барои тавсеа бахшидани ҳамкории судманд дар оянда омодагии худро баён доштанд.
Директори иҷроияи департаменти БАТР оид ба ҳамкорӣ бо институтҳои молиявӣ Франсис Малиж гуфт, ки низоми бонкии Тоҷикистон ба нишондиҳандаҳои хуби иқтисодӣ ноил гардидааст.
Мавсуф ҳамчунин аз ҳамкории мутақобилаи судманди бисёрсолаи БАТР бо низоми бонкии Тоҷикистон изҳори қаноатмандӣ намуда, таъкид дошт, ки БАТР бо истифода аз имконияти мавҷуда дар амалӣ гардонидани ислоҳот дар бахшҳои суғурта ва низоми пардохт, аз ҷумла пардохтҳои ғайринақдӣ ва хизматрасонии рақамии молиявии Ҷумҳурии Тоҷикистон, ки баъди ба тасвиб расидани Фармони Президенти Ҷумҳурии Тоҷикистон «Дар бораи вусъат додани ҳисоббаробаркунии ғайринақдӣ» муҳимияти он бештар гардид, кумакҳои техникӣ мерасонад.
АКС: Бонки миллии Тоҷикистон
РУШДИ ПАРАНДАПАРВАРӢ. Дар корхонаи «Тухми Соф»-и Истаравшан беш аз 80 ҳазор сар паранда парвариш карда мешавад
Раванди татбиқи «Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030» баррасӣ гардид
35-СОЛАГИИ ИСТИҚЛОЛИ ДАВЛАТӢ. 106,7 фоизи корҳои созандагӣ бахшида ба ҷашни миллии Тоҷикистон таъмин гардидааст
35-СОЛАГИИ ИСТИҚЛОЛИ ДАВЛАТӢ. Дар ноҳияи Бобоҷон Ғафуров корхонаҳои саноатӣ ба истифода дода мешаванд
Ҷаласаи Кумитаи муштараки роҳбарикунандаи Ҳукумати Ҷумҳурии Тоҷикистон ва Созмони Милали Муттаҳид доир шуд
Бахшида ба 20-солагии Донишкадаи энергетикии Тоҷикистон конфронси 3-юми байналмилалӣ баргузор шуд
ҚУРБИ АСЪОР: 1 доллари ИМА аз 9.3200 то 9.4009 сомонӣ муқаррар шудааст
Дар Бангкок тавсеаи ҳамкории Тоҷикистон бо ЭСКАТО баррасӣ гардид
Ҳайати Тоҷикистон дар конфронси ҷаҳонии Сеул оид ба корхонаҳои давлатӣ иштирок намуд
СТРАТЕГИЯИ РУШДИ СОҲАИ АЛОҚА. Қабули ин санади стратегӣ кафолати рушди босуботи соҳа мебошад
Дар Тоҷикистон 87 лоиҳаи сармоягузории давлатӣ ба маблағи 51,6 миллиард сомонӣ амалӣ мегардад
Гурӯҳи кории байниидоравӣ оид ба рақамикунонии соҳаи буҷет ва молия таъсис дода мешавад
