Футзалбозони тоҷик ҷамъомади тамринии ниҳоиро пеш аз марҳилаи интихобии Ҷоми Осиё-2024 оғоз намуданд
ДУШАНБЕ, 27.09.2023 /АМИТ «Ховар»/. Дастаи мунтахаби футзали Тоҷикистон таҳти роҳбарии Пайрав Воҳидов ҷамъомади ниҳоии тамринии худро қабл аз марҳилаи интихобии Ҷоми Осиё-2024, ки аз 7 то 11 октябр дар шаҳри Душанбе баргузор мешавад, оғоз намуд. Дар ин хусус шореҳи варзиши АМИТ «Ховар» бо истинод ба Федератсияи футболи Тоҷикистон хабар медиҳад.
Ҷамъомади ниҳоии даста 25 сентябр дар Маркази таълимии Бонки миллии Тоҷикистон дар шаҳри Гулистон оғоз шуд. Пас аз анҷоми ҷамъомади таълимиву тамринӣ дастаи мунтахаби Тоҷикистон ба шаҳри Тошканд меравад ва дар онҷо бо дастаи футзали ВМВ – чемпиони Узбекистон ду бозии санҷишӣ анҷом медиҳад. Ин вохӯриҳо 2 ва 3 октябр барпо мегарданд.
Хотиррасон мешавем, ки дар мусобиқаи интихобии Ҷоми Осиё-2024 дастаи мунтахаби футзали Тоҷикистон дар гурӯҳи «Е» баромад менамояд. Ҳарифони дастаи мунтахаби Тоҷикистон дастаҳои мунтахаби Ҳиндустон (7 октябр), Фаластин (9 октябр) ва Мянмар (11 октябр) мебошанд. Ҳамаи бозиҳо дар Қасри теннис ва маҷмааи варзиши обӣ шаҳри Душанбе баргузор мешаванд. Ғолибони ҳашт гурӯҳ ва ҳамчунин ҳафт дастае, ки дар гурӯҳҳои худ бо нишондиҳандаҳои беҳтарин ҷойҳои дуюмро мегиранд, ба даври ниҳоии Ҷоми Осиё-2024, ки аз 15 то 26 апрели соли оянда дар Тайланд баргузор мешавад, роҳ меёбанд.
Ҳайати дастаи мунтахаби футзали Тоҷикистон:
Дарвозабонҳо: Фирӯз Бекмуродов («Истиқлол»), Фирӯз Бозмамадов («Соро компания»), Муродулло Алиқулов («Амонатбонк»);
Бозигарон: Комрон Алиев, Абдуқаюм Умаров, Насратшо Исмоилов (ҳама аз «Истиқлол»), Дилшод Саломов, Файзалӣ Сардоров, Идрис Ёров, Муҳаммадҷон Шарифов, Некрӯз Алимаҳмадов, Самандар Ризомов, Бахтиёр Солиев (ҳама аз «Соро компания»), Умед Кузиев («Амонатбонк»), Баҳодур Хоҷаев («Истаравшан»).
Сармураббӣ – Пайрав Воҳидов.
Марҳилаи интихобии Ҷоми Осиё-2024
Гурӯҳи «E»
ТОҶИКИСТОН
Мянмар
Фаластин
Ҳиндустон
Даври 1
7 октябр (шанбе)
16:00 –Мянмар –Фаластин
19:00 –ТОҶИКИСТОН –Ҳиндустон
Даври 2
9 октябр (душанбе)
16:00 –Ҳиндустон –Мянмар
19:00 –Фаластин –ТОҶИКИСТОН
Даври 3
11 октябр (чоршанбе)
16:00 –Фаластин –Ҳиндустон
19:00 –ТОҶИКИСТОН –Мянмар
АКС: Федератсияи футболи Тоҷикистон
Байни Тоҷикистон ва Қазоқистон 5 хатсайри байналмилалии нақлиёти мусофирбарӣ фаъолият дорад
Байни Тоҷикистон ва Латвия оид ба рушди ҳамкорӣ дар соҳаи нақлиёт ва авиатсияи гражданӣ Ёддошти тафоҳум ба имзо расид
Дар Душанбе татбиқи «Стратегияи миллии рушди маорифи Ҷумҳурии Тоҷикистон барои давраи то соли 2030» баррасӣ гардид
ҚОНУНИ ҶУМҲУРИИ ТОҶИКИСТОН «ДАР БОРАИ ТАНЗИМИ АНЪАНА ВА ҶАШНУ МАРОСИМ». Дар Донишгоҳи миллӣ натиҷаи амали онро баррасӣ намуданд
Дар Тоҷикистон беш аз 20 санади меъёрии ҳуқуқие, ки асосҳои мухталифи муқовимат ба коррупсияро муқаррар менамоянд, қабул шудаанд
Дар Душанбе даври навбатии машваратҳои сиёсии Тоҷикистону Швейтсария баргузор шуд
Ҳайати Тоҷикистон дар ҷаласаи Шурои Иттиҳоди Давлатҳои Мустақил дар Москва иштирок намуд
Директори Агентии назорати давлатии молиявӣ ва мубориза бо коррупсия Сулаймон Султонзода: «Мубориза бар зидди коррупсия вазифаи асосии мақомоти давлатӣ, ниҳодҳои ҷомеаи шаҳрвандӣ ва ҳар як сокини мамлакат мебошад»
ИМРӮЗ-РӮЗИ ГЕОЛОГҲОИ ТОҶИКИСТОН. Дар ҷаҳони муосир сарватҳои зеризаминӣ қудрату тавоноии давлатро муайян менамоянд
Ёдгории таърихию фарҳангии Қалъаи Ҳисор дили меҳмонони чиниро тасхир намуд
Тоҷикистон ва Озарбойҷон ҳамкории дуҷонибаро дар бахши иқтисодиву тиҷоратӣ ва саноату энергетика баррасӣ намуданд
ИМЕЙ (IMEI)-И «САФЕД». Тамоми дастгоҳҳои сайёр, ки дорои модули SIM мебошанд, бояд ба Системаи давлатӣ ворид шаванд
