Кормандони милитсия дар муассисаҳои таълимии ноҳияи Ванҷ вохӯриҳо баргузор намуданд
ДУШАНБЕ, 16.09.2023. /АМИТ «Ховар»/. Давоми ҳафтаи равон масъулини хадамоти огоҳонӣ ва пешгирии ҳуқуқвайронкунӣ байни ноболиғону ҷавонони милитсияи ноҳияи Ванҷ дар доираи нақшаи чорабиниҳои профилактикии шуъбаи Вазорати корҳои дохилии Тоҷикистон дар ноҳияи Ванҷи Вилояти Мухтори Кӯҳистони Бадахшон бо хонандагони муассисаҳои таълимии ҳудуди ҷамоати М.Абдуллоеви ноҳия суҳбату вохӯрӣ ва корҳои пешгирикунандаи судманд доир намуданд.
Вохӯриҳои мазкур дар доираи таъмини иҷрои қонунҳои Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» ва «Дар бораи тарбияи ватандӯстӣ» амалӣ шуда, ба тарбияи ватандӯстӣ, дӯст доштани муқаддасот ва арзишҳои милливу фарҳангӣ, пешгирии содиршавии кирдорҳои зиддиҳуқуқӣ дар байни ноболиғон ва баланд бардоштани маърифату савияи ҳуқуқии ин табақаи ояндасози ҷомеа равона гардидаанд.
Зимни баргузории мулоқоту суҳбатҳо дар муассисаҳои таълимӣ кормандони милитсия доир ба масъалаҳои тарғиби тарзи ҳаёти солим, омӯзиши илмҳои муосир, дар оянда соҳибкасб гардида ба нафъи мардуми ҷумҳурӣ хизмат намудан, дурӣ ҷустан аз оворагардию беҳудагардӣ, баланд бардоштани ҳисси ватандӯстӣ, ҳимояи марзу буми аҷдодӣ ва арзиши олӣ донистани муқаддасоти Ватан сухан гуфтанд.
Ҳамзамон масъулини хадамоти огоҳонӣ ва пешгирии ҳуқуқвайронкунӣ байни ноболиғону ҷавонони шуъбаи Вазорати корҳои дохилии Тоҷикистон дар ноҳияи Ванҷ доир ба зарурати таҳким бахшидани ҳамкорӣ дар байни милитсия, мактаб ва волидайн, яъне ҷомеа ҳарф зада, ин иқдомро таҷрибаи самаровар дар баланд бардоштани тарбияи ҳуқуқии насли наврас ва пешгирии ҳуқуқвайронкуниву ҷинояткорӣ байни хонандагони муассисаҳои таълимӣ арзёбӣ намуданд.
АКС: Раёсати Вазорати корҳои дохилии Тоҷикистон дар Бадахшон
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон раъду барқ ба амал меояд
Варзишгарони паралимпии Тоҷикистон бо 37 медал ба Ватан баргаштанд
Шарҳи расмии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон оид ба раддабандии ҷумҳурӣ аз лиҳози ифлосшавии ҳавои атмосферӣ
Имрӯз дар баъзе ноҳияҳои Тоҷикистон борони кӯтоҳмуддат меборад
Имрӯз дар Тоҷикистон чангу ғубор ба амал меояд
МегаФон Тоҷикистон дар ҷумҳурӣ нахустин пайвасткунии тарофаҳо ва хизматрасониҳоро тавассути сомонаи расмӣ ба роҳ монд
Имрӯз дар Тоҷикистон ҳавои тағйирёбанда пешгӯӣ мешавад
Дар Бохтар оид ба даъвати баҳории ҷавонон ба хизмати ҳарбӣ ҳамоиш баргузор гардид
Имрӯз дар водиҳои Тоҷикистон ҳаво то 27 дараҷа гарм мешавад
Зудтару дақиқтар: дар Тоҷикистон сифати хизматрасониҳои мобилиро беҳтар мекунанд
Имрӯз дар шаҳри Душанбе ҳаво то 27 дараҷа гарм мешавад
