Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
ДУШАНБЕ, 10.10.2026 /АМИТ «Ховар»/. Дар Академияи идоракунии давлатии назди Президенти Ҷумҳурии Тоҷикистон даври шаҳрии озмуни «Беҳтарин хизматчии давлатӣ аз ҳисоби занон» дар соли 2026 баргузор гардид, хабар медиҳад АМИТ «Ховар» бо истинод ба академия.
Дар даври якуми озмун донишу малака ва сатҳи омодагии касбии иштирокдорон аз рӯйи якчанд самт санҷида шуд. Аз ҷумла, иштирокдорон бо забони давлатӣ иншо навишта, аз забони русӣ диктант иҷро намуда, донишу малакаи худро дар самти истифодаи технологияҳои иттилоотӣ тавассути санҷиши тестӣ нишон доданд.
Дар даври дуюми озмун бо иштирокдорон суҳбат гузаронида шуда, дар натиҷаи ҷамъбасти натиҷаҳои озмун иштирокчиёни сазовор ба даври ҷумҳуриявӣ роҳхат хоҳанд гирифтанд.
Ҳадафи асосии баргузории озмуни «Беҳтарин хизматчии давлатӣ аз ҳисоби занон» дастгирӣ намудани иқтидори роҳбарӣ ва касбии занон, мусоидат ба иштироки бештари онҳо дар идоракунии давлатӣ, тақвияти нақши занон дар рушди хизмати давлатӣ ва ташаккули захираи кадрии баландихтисос аз ҳисоби занону духтарони болаёқат мебошад.
АКС: Академияи идоракунии давлатии назди Президенти Ҷумҳурии Тоҷикистон
Дар Тоҷикистон ҷамъоварии меваи анор оғоз гардидааст
Имрӯз дар Тоҷикистон ҳавои бебориш дар назар аст
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
