ОБОДӢ ДАР МАҲАЛ. Роҳи деҳаи Аҷами ноҳияи Шаҳринав асфалтпӯш гардид

ДУШАНБЕ, 23.09.2023 /АМИТ «Ховар»/. Роҳи деҳаи Аҷами Ҷамоати деҳоти ба номи Акрам Ҳасанови ноҳияи Шаҳринав дар доираи татбиқи лоиҳаи CASA-1000 пурра асфалтпӯш шуда, ба масофаи зиёда аз 2 километр то деҳаи Дӯстӣ мумфарш мегардад.

Тибқи иттилои Мақомоти иҷроияи ҳокимияти давлатии ноҳияи Шаҳринав, дар давраи татбиқи ин лоиҳа дар ноҳия садҳо симчӯб ба пояҳои бетонӣ иваз, якчанд хат ва чоҳҳои амудии оби ошомиданӣ кашидаву насб гардид ва майдончаи варзишӣ, муассисаи таълимӣ ва бунгоҳи тиббӣ бунёд шуданд.

Мавриди тазаккур аст, ки татбиқи чунин лоиҳаҳои созандаву бунёдкорона ба рушду пешрафт ва некӯаҳволии сокинони ноҳия ва мардуми ҷумҳурӣ равона буда, тавассути ибтикороти созандаву бунёдкорона ва самараи сиёсати муваффақонаи хориҷии Президенти Ҷумҳурии Тоҷикистон муҳтарам Эмомалӣ Раҳмон ва Ҳукумати Ҷумҳурии Тоҷикистон амалӣ мешаванд.

АКС: Мақомоти иҷроияи ҳокимияти давлатии ноҳияи Шаҳринав