ОМОДАГӢ БА ЗИМИСТОН. Соҳаҳои маорифу тандурустии шаҳри Роғун ба гузаронидани ин давра омода мебошанд

Сентябрь 26, 2023 13:58

РОҒУН, 26.09.2023. /АМИТ «Ховар»/. Дар шаҳри Роғун барои омодагӣ ба зимистонгузаронӣ ситоди корӣ ташкил шудааст. Ҳамзамон аз ҷониби ситод ҷиҳати иҷрои Қарори Ҳукумати Ҷумҳурии Тоҷикистон «Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2023-2024» тадбирҳои зарурӣ андешида шуда, барои бе мушкилӣ паси сар намудани ин давра мусоидат менамоянд.

Аз ҷумла, дар асоси қарори мазкур ва нақшаи чорабиниҳои шаҳр барои боз ҳам беҳтар омода намудани шароити корӣ ва таҳсил барои хонандагон дар соҳаи маориф 445 тонна ангишт, 215 м3 ҳезум, 2320 литр сӯзишвории дизелӣ захира шудааст. Инчунин ба марказҳои саломатии деҳот ва бунгоҳҳои тиббию филиалҳои китобхонаҳои шуъбаи фарҳанги шаҳр 37 тонна ангишт, 36 м3 ҳезум ва 400 литр сӯзишворӣ ворид намудаанд.

Аз ҳисоби буҷети шаҳри Роғун барои хариди ангишту сӯзишвории сохторҳои давлатӣ 642,2 ҳазор сомонӣ пешбинӣ гардидааст, ки ин маблағҳо давра ба давра ҷудо гардида истодаанд.

Тибқи маълумоти пешниҳоднамудаи раисони ҷамоатҳои шаҳраку деҳот, барои гузаронидани мавсими тирамоҳу зимистон аз тарафи аҳолии деҳаҳои ҳудуди шаҳри Роғун 7374,2 тонна ангишт, 11884,3 метри кубӣ ҳезум ва 14548 литр сӯзишворӣ захира мешавад. Хушбахтона, аҳолии шаҳр то ба имрӯз зиёда аз 4300 тонна ангишт, 11225 метри кубӣ ҳезум ва сӯзишвории дизелӣ захира намудаанд.

Бо мақсади харидорӣ ва захира намудани маводи сӯзишворӣ дар ҳудуди шаҳри Роғун 8 нуқтаи фурӯши сӯзишворӣ мавҷуд аст, ки сокинон метавонанд аз ин нуқтаҳо маводи сӯзишворӣ харида, барои гузаронидани сардиҳои зимистон захира намоянд.

Бо мақсади пура таъмин намудани аҳолии шаҳр бо қувваи барқ дар давраи тирамоҳу зимистон аз тарафи шабакаҳои барқи шаҳр корҳои таъмирӣ, илова намудани равғани трансформаторҳои қудратӣ бо таҷҳизоти қудратии равғандор, иваз намудани ҷудокунакҳои ростпайванду буриши дарахтон дар хатҳои барқ ва дигар корҳои зарурӣ амалӣ мешаванд.

Субҳониддини МАҲМУД,
АМИТ «Ховар»

АКС: АМИТ «Ховар

Сентябрь 26, 2023 13:58

Хабарҳои дигари ин бахш

ШОМИ СУМАНАК. Тоҷикони муқими Белгия ва Нидерланд Наврӯзи байналмилалиро бо шукуҳу шаҳомат таҷлил намуданд
Баҳорро бо пойгоҳҳои нави базавӣ пешвоз мегирем!
Имрӯз дар ноҳияҳои кӯҳии Тоҷикистон ҳаво рӯзона то 19 дараҷа гарм мешавад
Имрӯз дар водиҳои Тоҷикистон ҳаво рӯзона то 25 дараҷа гарм мешавад
Дар ноҳияи Муъминобод ба муносибати ҷашни Наврӯз ҳашарҳои экологӣ мегузаронанд
Чӣ тавр дар Русия метавон алоқаро бо хона нигоҳ дошт
Доир ба тақвияти ҳамкории Тоҷикистон ва Русия дар соҳаи саноат созишнома ба имзо расид
Намояндаи Тоҷикистон дар чорабинӣ оид ба ҳамбастагии гендерӣ, иқлим ва амният барои сулҳи пойдор иштирок намуд
Имрӯз дар шаҳри Душанбе ҳаво то 24 дараҷа гарм мешавад
Дар шаҳри Хуҷанд Мусобиқаи байналмилалии дӯстонаи варзишӣ оид ба теннис идома дорад
Парвозҳои мустақим аз Душанбе ба Шарм-уш-Шайхи Миср амалӣ мегарданд
Давлатҳое, ки ҳавои ифлостарин доранд, номбар шуданд