ПОЯНДА БОД ТОҶИКИСТОН ВА АБАДӢ БОД ИСТИҚЛОЛ! Дар вилояти Хатлон паради ҳарбӣ доир гардид

Сентябрь 8, 2023 14:32

ДУШАНБЕ, 08.09.2023. /АМИТ «Ховар»/. Имрӯз дар шаҳри Бохтар паради ҳарбӣ ба ифтихори ҷашни бузурги миллӣ – 32-солагии Истиқлоли давлатии Ҷумҳурии Тоҷикистон ва 30-солагии таъсиси Қувваҳои Мусаллаҳи Ҷумҳурии Тоҷикистон доир гардид, хабар медиҳад АМИТ «Ховар» бо истинод ба Мақомоти иҷроияи ҳокимияти давлатии вилояти Хатлон.

Ҳамоишҳои расмӣ ба ин муносибат бо гузашти паради хизматчиёни ҳарбии Қувваҳои Мусаллаҳ, ҳайати шахсии мақомоти ҳифзи ҳуқуқ ва афсарону сарбозони захираҳои сафарбарии вилоят, яъне муҳофизони истиқлоли Ватан, марзу буми давлати соҳибихтиёр ва ҳомиёни қонунияту тартибот идома меёбанд.

Раиси вилояти Хатлон Давлаталӣ Саид дар ин ҳамоиш изҳор дошт, ки такягоҳи давлат ва устувории фазои амну суботи сарзамин ва неруи эътимодбахшу итминони мардум ба зиндагии осоишта ба қудратмандии Қувваҳои Мусаллаҳи мамлакат эътибори қавӣ дорад. «Қувваҳои Мусаллаҳи мамлакат зодаи даврони Истиқлоли давлатӣ ба ҳисоб рафта, раванди таъсис ва ташаккули он ба марҳалаи ниҳоят мураккаби ибтидои соҳибистиқлолӣ рост меояд. Қувваҳои Мусаллаҳ дар давоми солҳои соҳибистиқлолӣ агарчи ба мушкилиҳои вазнин рӯ ба рӯ гардида бошад ҳам, мавқеи худро дар минтақа устувор нигоҳ дошта, ба як неруи пуриқтидор ва сипари боэътимоди давлат табдил ёфтааст»,-афзуд Раиси вилоят.


Таъкид гардид, ки маҳз бо талошу кӯшишҳои пайгиронаи Пешвои миллат, Сарфармондеҳи Олии Қувваҳои Мусаллаҳи Ҷумҳурии Тоҷикистон, Президенти мамлакат муҳтарам Эмомалӣ Раҳмон дар ин самт таҳаввулоти ҷиддӣ ба миён омада, шароити муносиб барои афсарону сарбозон фароҳам гардидааст.

Ҳамзамон иброз карда шуд, ки дар партави таваҷҷуҳу ғамхории роҳбарияти мамлакат Мақомоти иҷроияи ҳокимияти давлатии вилоят ба дастгирии қисмҳои низомии ҳудуди вилоят таваҷҷуҳи хос зоҳир намуда, барои фароҳам овардани шароити мусоиди хизматӣ мунтазам чораандешӣ менамояд. Бо мақсади баланд бардоштани рӯҳияи ватандӯстии афсарону сарбозон дар қисмҳои низомӣ дар арафаи идҳои миллӣ аз ҷониби сохторҳои дахлдор чорабиниҳои фарҳангӣ, бо оростани дастурхони идона баргузор карда мешавад.

Паради низомии хизматчиёни ҳарбии Қувваҳои Мусаллаҳ, кормандони сохторҳои мақомоти ҳифзи ҳуқуқи вилоят, афсарону сарбозони захираҳои сафарбарӣ ба ифтихори ҷашни муқаддасу бузурги миллӣ — 32-солагии Истиқлоли давлатии Тоҷикистон ва 30-солагии таъсисёбии Артиши миллӣ дар хиёбони марказии шаҳри Бохтар доир гардид.

АКС: Мақомоти иҷоияи ҳокимияти давлатии вилояти Хатлон

Сентябрь 8, 2023 14:32

Хабарҳои дигари ин бахш

Котиби Шурои амнияти Ҷумҳурии Тоҷикистон бо Сафири Ҷумҳурии Исломии Покистон мулоқот намуд
Дар Панҷакент 24 кг маводи мухаддир мусодира карда шуд
Ҷаласаи коршиносон оид ба таъсис додани Маркази зиддимухаддиротии СҲШ дар Душанбе баргузор гардид
Вакили Маҷлиси намояндагон барои ҳайати шахсии Раёсати Қувваҳои ҳарбӣ-ҳавоӣ ва мудофиаи зиддиҳавоӣ машғулияти сиёсӣ доир намуд
35-СОЛАГИИ ИСТИҚЛОЛИ ДАВЛАТӢ. 25 километр роҳи деҳаи Гулзори шаҳри Кӯлоб мумфарш карда мешавад
Дар Душанбе интиқолдиҳандаи маводи мухаддир бо 31 кг “ҳашиш” боздошт ва ба 13 соли зиндон маҳкум шуд
Дар Мурғоб коргоҳи маҳсулоти қаннодии «Нозанин» ва 5 гармхона ба фаъолият шуруъ намуданд
Дар назди муассисаҳои таълимии ноҳияи Ванҷ синфхонаҳои иловагӣ ба истифода дода шуд
50 километр роҳи деҳоти Ҳисор ва Ориён то сарҳади Узбекистон таъмир мегардад
Кӯшиши интиқоли ғайриқонунии маводи нашъаовар дар сарҳади ҷанубии Тоҷикистон пешгирӣ карда шуд
Дар Мурғоб калонтарин неругоҳи офтобӣ ба истифода дода шуд
Дар Шуғнон корхонаҳои саноатӣ ва иншооти соҳаҳои тандурустӣ ва маориф ба истифода дода шуданд