Тадбирҳои Ҳукумати Тоҷикистон дар самти мубориза бо қочоқи маводи нашъаовар дар Ямайка муаррифӣ шуданд
ДУШАНБЕ, 26.09.2023. /АМИТ «Ховар»/. Директори Агентии назорати маводи нашъаовари назди Президенти Ҷумҳурии Тоҷикистон Ҳабибулло Воҳидзода дар Конфронси 37-уми байналмилалии мубориза бо маводи мухаддир (IDEK XXXVII), ки аз 19 то 21 сентябр дар шаҳри Сент Ҷеймси Ямайка баргузор гардид, иштирок намуд. Дар ин хусус ба АМИТ «Ховар» дар Агентии назорати маводи нашъаовар хабар доданд.
Директори Агентӣ оид ба вазъи назорати маводи нашъаовар дар Ҷумҳурии Тоҷикистон, тадбирҳои андешидаи мақомоти ҳифзи ҳуқуқи мамлакат дар самти мубориза бо қочоқи маводи нашъаовар, мушкилоти қочоқи маводи мухаддир аз Афғонистон ва таҳдиду хатарҳои он сухан гуфта, таваҷҷуҳи ҳозиринро ба ҳалли масъалаҳои қочоқ ва мушкилоти мубориза бо маводи мухаддир ҷалб намуд.
Дар конфронс намояндагони 138 давлати ҷаҳон ва якчанд созмону ташкилоти байналмилалию минтақавӣ иштирок доштанд.
Ҳамчунин дар чорчӯбаи конфронс ҷиҳату рушду тақвияти ҳамкорӣ Директори Агентӣ бо намояндагони масъули Агентии мубориза бо маводи нашъаовари Вазорати адлияи Иёлоти Муттаҳидаи Амрико (DEA) ва роҳбарони ҳайатҳои мақомоти зиддимухаддиротии Арабистони Саудӣ, Давлати Қатар ва Кореяи Ҷанубӣ вохӯриҳо доир намуд.
Дар ҷараёни вохӯриҳо масъалаи таҳкими ҳамкории дуҷониба тавассути ба имзо расонидани санадҳои нав ва дар заминаи онҳо ҷалб намудани кумакҳои молиявӣ ва моддӣ-техникӣ барои баланд бардоштани иқтидори Агентӣ ва таҳкими ҳифзи сарҳади давлатӣ мавриди баррасӣ қарор гирифт.
АКС: Агентии назорати маводи нашъаовари назди Президенти Ҷумҳурии Тоҷикистон
«Нозирони навраси ҳаракат»-и Тоҷикистон дар озмуни байналмилалӣ соҳиби ҷойи якум гардиданд
Бахшида ба ҷашни Истиқлоли давлатӣ бо иштироки кормандзанони мақомоти корҳои дохилӣ ҳамоиши идона доир гардид
Амнияти киберӣ яке аз муҳимтарин унсурҳои амнияти миллии Тоҷикистон мебошад
Ҳайати Тоҷикистон дар вохӯрии сеюми «Шабакаи занон GLO.ACT» иштирок менамояд
Дар ноҳияи Рӯдакӣ оид ба нақши шаҳрвандон дар таҳкими Истиқлоли давлатӣ ва ваҳдати миллӣ мулоқот доир гардид
«SOS». Барномаи мобилие, ки дар ҳолатҳои фавқулода ба шаҳрвандон кумак мерасонад
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
