50 нафар хизматчиёни давлатӣ бо фаъолияти Агентии «Тоҷикстандарт» шинос шуданд
ДУШАНБЕ, 09.10.2023 /АМИТ «Ховар»/. 50 нафар хизматчиёни давлатӣ — мутахассисони пешбар ва мутахассисони Раёсати Агентии стандартизатсия, метрология, сертификатсия ва нозироти савдо дар вилоят, минтақа ва шаҳру ноҳияҳои ҷумҳурӣ дар доираи машғулияти такмили ихтисос бо фаъолияти Маркази ташхисии маҳсулоти хӯрокворӣ ва кишоварзии Агентии «Тоҷикстандарт» шинос шуданд. Дар ин хусус ба АМИТ «Ховар» дар Агентии хизмати давлатӣ хабар доданд.
Хизматчиёни давлатӣ бо тарзу усулҳои озмоишҳои органолептикӣ, физико-химиявӣ, аналитикӣ ва микробиологӣ, ки дар ин марказ гузаронида мешаванд, шинос шуда, аз мутахассисон вобаста ба нозукиҳои раванди санҷиш ва озмоиши маводи ғизоӣ тавсияҳои зарурӣ гирифтанд. Маркази ташхисӣ аз бахши аналитикӣ, бахши физикию кимиёӣ, бахши спектрометрӣ (атоми абсорбсионӣ), бахши элементҳо ва моддаҳои заҳрнок (волтамперметрӣ), бахши ғалладонагӣ ва бахши микробиологӣ иборат буда, иштирокчиён доир ба масъалаҳои муҳими фаъолияти корӣ ва озмоишӣ ба мутахассисон саволҳо дода, ҷавобҳои қонеъкунанда гирифтанд.
Пас аз боздид аз Маркази ташхисӣ вохӯрии роҳбарияти Агентии «Тоҷикстандарт» бо шунавандагони машғулияти такмили ихтисос баргузор гардида, оид ба муаммову мушкилоти соҳа ва роҳҳои ҳалли он мулоҳизаронӣ гардид.
АКС: Агентии хизмати давлатии назди Президенти Ҷумҳурии Тоҷикистон
Байни муассисаҳои соҳаи тандурустии Тоҷикистону Қазоқистон се Ёддошти тафоҳум ба имзо расид
Дар шаҳри Левакант муассисаи давлатии таҳсилоти томактабӣ ба истифода дода шуд
ДАР ПАЙРАВӢ БА ИҚДОМИ ПЕШВОИ МИЛЛАТ. Ба 40 нафар ятими кулли шаҳри Ҳисор либоси мактабӣ тақдим гардид
Дар доираи сафари кории Президенти Тоҷикистон дар ноҳияи Хуросон иншооти гуногун ба истифода дода шуданд
Ҳамкории муассисаҳои илмӣ-таҳқиқотии Тоҷикистон ва Туркманистон густариш меёбад
Дар ноҳияи Ёвон иншооти таъйиноти гуногун ба истифода дода шуданд
Дар Душанбе Маркази машваратӣ ва омодагии пеш аз сафари муҳоҷирони меҳнатӣ ба истифода дода шуд
Дар вилояти Хатлон беш аз 400 иншооти дорои аҳамияти давлатӣ бунёд карда шудаанд
Дар Тоҷикистон Рӯзҳои тибби Ҷумҳурии Қазоқистон идома доранд
Дастаи шаҳри Кӯлоб сазовори Ҷоми Ҳизби Халқии Демократии Тоҷикистон оид ба футболи хурд шуд
Дар Тошканд Форуми тиҷоратии фармасевтии Узбекистону Тоҷикистон доир шуд
«ИСТИҚЛОЛИЯТИ ДАВЛАТӢ — САРЧАШМАИ ИФТИХОРИ МИЛЛӢ». Таҳти ин унвон дар Душанбе ҳамоиш доир шуд
