Дар Донишгоҳи миллии Тоҷикистон Иди Меҳргонро ҷашн гирифтанд
ДУШАНБЕ, 28.10.2023 /АМИТ «Ховар»/. Дар Донишгоҳи миллии Тоҷикистон ба муносибати ҷашни кадимаи ниёгон — Меҳргон бо иштироки донишҷўёну омўзгорон ва меҳмонон маҳфили фарҳангӣ баргузор гардид. Дар ин хусус ба АМИТ «Ховар» дар Раёсати Донишгоҳи миллии Тоҷикистон иттилоъ доданд.
Дар маҳфили фарҳангӣ таъкид гардид, ки маҳз ба шарофати Истиқлоли давлатӣ ва бо ташаббусҳои Президенти мамлакат, Пешвои миллат муҳтарам Эмомалӣ Раҳмон ҷашнҳои таърихии миллӣ, аз ҷумла иди Меҳргон эҳё гардид. Сарчашмаҳои куҳани таърихӣ шаҳодат медиҳанд, ки ниёгони мо дар ин рӯз либосҳои идонаи арғувонӣ пӯшида, ҳамдигарро бо беҳтарин таманниёт табрик мекарданд.
Ректори донишгоҳ, профессор Қобилҷон Хушвахтзода иброз дошт, ки «Меҳргон ҷашни ниёгони мо, тантанаи заҳмати кишоварзон аст, ки ба шарофати соҳибистиқлол гардидани Тоҷикистон имкон пайдо шуд, ки дар қатори дигар арзишҳои неки гузаштагон ин ойини аҷдодӣ низ эҳё гардад. Меҳргон ҳамасола дар саросари ҷумҳурӣ бо доир намудани маҳфилу барномаҳои гуногуни фарҳангӣ бо шукуҳи хосса таҷлил гардида, мисли ҷашнҳои таърихии Наврӯз, Сада, Тиргон аз қадимтарин идҳои миллии мардуми ориёинажод маҳсуб мешавад».
«Меҳргон чун дигар ҷашну идҳои миллати куҳанбунёди тоҷик бо ибтикори таърихии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон эҳё гардида, дар рушди соҳаи кишоварзӣ ва фаровонии маҳсулоти кишоварзӣ заминаи мусоид мегузорад»,- афзуд Қобилҷон Хушвахтзода.
Зимни маърӯзаи олимон аз Донишгоҳи аграрии Тоҷикистон ва кафедраи ботаникаи Донишгоҳи миллии Тоҷикистон таъкид гардид, ки гузаштагони мо Меҳргонро ҳамчун рамзи шукргузорӣ аз неъматҳои табиат ва заҳматҳои кишоварзон ҷашн мегирифтанд.
Дар интиҳои чорабинӣ аз тарафи ансамбли халқии «Наврӯз»-и Донишгоҳ барномаи хотирмони фарҳангӣ-фароғатӣ пешниҳод гардид.
Мавриди тазаккур аст, ки тибқи қарори Ҳукумати Ҷумҳурии Тоҷикистон аз моҳи августи соли 2009 инҷониб иди Меҳргон дар саросари мамлакат ҷашн гирифта мешавад.
АКС: Донишгоҳи миллии Тоҷикистон
Маркази миллии тестӣ: «Бақайдгирии довталабон барои иштирок дар даври сеюми имтиҳонҳои марказонидаи дохилшавӣ оғоз гардид»
Президенти Ҷумҳурии Тоҷикистон Эмомалӣ Раҳмон дар шаҳри Душанбе ҳафт иншооти соҳаи маорифро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шоҳмансури шаҳри Душанбе Муассисаи таҳсилоти миёнаи умумии рақами 20-ро ба истифода доданд
35-СОЛАГИИ ИСТИҚЛОЛИ ДАВЛАТӢ. Дар якчанд муассисаи таълимии шаҳри Истаравшан корҳои сохтмонӣ идома доранд
Дар шаҳри Левакант муассисаи давлатии таҳсилоти томактабӣ ба истифода дода шуд
Байни Академияи идоракунии давлатӣ ва Дафтари барномаҳои САҲА нақшаи чорабиниҳои муштарак ба имзо расид
Президенти Ҷумҳурии Тоҷикистон Эмомалӣ Раҳмон дар ноҳияи Данғара бинои муассисаи томактабии «Зирамоҳ»-ро ба истифода доданд
Пешвои миллат Эмомалӣ Раҳмон дар ноҳияи Данғара муассисаи таҳсилоти томактабии «Орзу»-ро мавриди истифода қарор доданд
«ИСТИҚЛОЛИ ДАВЛАТӢ: СУЛҲУ СУБОТ ВА АМНИЯТИ ҶОМЕА ДАР МЕҲВАРИ АРЗИШҲОИ МИЛЛӢ». Бо чунин унвон ҳамоиш доир гардид
Президенти Ҷумҳурии Тоҷикистон Эмомалӣ Раҳмон дар ноҳияи Данғара муассисаи таҳсилоти миёнаи умумии рақами 95-ро ба истифода доданд
Пешвои миллат Эмомалӣ Раҳмон дар ноҳияи Данғара муассисаи таҳсилоти томактабии хусусии Cокина ва китобхонаи деҳаи Хуррамзаминро ба истифода доданд
Пешвои миллат Эмомалӣ Раҳмон дар шаҳри Левакант бинои нозироти андоз ва бинои нави иловагии таълимӣ дар назди муассисаи таҳсилоти миёнаи умумии №10-ро ифтитоҳ намуданд
