Дар Тоҷикистон 3 лоиҳаи сармоягузории давлатӣ дар соҳаи кишоварзӣ амалӣ мегардад
ДУШАНБЕ, 13.10.2023. /АМИТ «Ховар»/. Дар Тоҷикистон 3 лоиҳаи сармоягузории давлатӣ дар соҳаи кишоварзӣ бо маблағи беш аз 39 миллион доллари ИМА амал менамоянд, ки ин лоиҳаҳои татбиқшаванда ба беҳтар намудани соҳаи кишоварзӣ ва рушди минбаъдаи он дар мамлакат нигаронида шудаанд. Дар ин хусус ба АМИТ «Ховар» дар Кумитаи давлатии сармоягузорӣ ва идораи амволи Ҷумҳурии Тоҷикистон хабар доданд.
Аз ҷумла, яке лоиҳаи «Дастгирии соҳаи кишоварзӣ дар заминаи ҷомеа» мебошад, ки бо саҳми Ҳукумати мамлакат ва Фонди байналмилалии рушди соҳаи кишоварзӣ, ташкилоти хизматрасон ва аҳолӣ амалӣ гардида истодааст.
Ҳамзамон Лоиҳаи «Дастгирии соҳаи кишоварзӣ дар заминаи ҷомеа (CARS+)» бо саҳми Ҳукумати Ҷумҳурии Тоҷикистон ва Фонди байналмилалии рушди кишоварзӣ аз моҳи апрели соли 2023 оғоз гардида, то соли 2030 идома меёбад.
Инчунин Лоиҳаи «Баланд бардоштани устувории кишоварзӣ» аз соли 2021 амал дорад, ки ба татбиқи босамари он Бонки ҷаҳонӣ ҷалб шудааст. Маблағи азхуднамудаи лоиҳа беш 9 миллион доллари ИМА буда, муҳлати анҷоми он соли 2026 дар назар дошта шудааст.
Ҳадафи асосии лоиҳа- тақвияти заминаи бахши устувори соҳаи кишоварзии ҷумҳурӣ тавассути зиёд намудани дастрасии тухмии хушсифат, ниҳолҳои ба иқлим тобовар, беҳтар намудани дастрасӣ ба хизматрасонии агрологистикии деҳқонон ва корхонаҳои кишоварзӣ, тақвияти идоракунии институтҳои давлатӣ мебошад.
Иттилоъ дода шуд, ки маблағҳои ҷалбшуда дар доираи ин лоиҳаҳо ба фароҳам овардани муҳити мусоид, таҳқиқот, баланд бардоштани иқтидори муассисаҳои миллии кишоварзӣ дар самти таҳқиқот ва рушд барои мутобиқ гардонидани технологияҳои мавҷуда ба шароити маҳал, зиёд намудани тухмиҳо, ниҳолҳо ва маводи ниҳолшинонӣ, таъмини сифат, дастгирии фаъолияти марказҳои агрологистикӣ, мониторинги воқеии истеҳсоли маҳсулоти кишоварзӣ, истифодаи замин ва агрометереология равона мегарданд.
Татбиқи тамоми унсурҳои лоиҳаҳо саривақтӣ буда, онҳо дар иҷрои ҳадафҳои Ҳукумати Ҷумҳурии Тоҷикистон ва барномаҳои қабулшуда, аз ҷумла Барномаи ислоҳоти соҳаи кишоварзӣ, Консепсияи ташкил ва рушди кластерҳои агросаноатӣ, таъмини амнияти озуқавории мамлакат ва амалишавии дигар барномаҳои соҳавӣ саҳми назаррас мегузоранд.
Зарангези ЛАТИФ,
АМИТ «Ховар»
АКС аз манбаъҳои боз
Дар «Тоҷикаэронавигатсия» масъалаи муқовимат ба коррупсия баррасӣ карда шуд
Барои татбиқи лоиҳа оид ба ҷорӣ намудани нақлиёти ҷамъиятии барқӣ дар Хатлон созишномаҳои қарзӣ ва грантӣ ба имзо расиданд
Дурнамои ҳамкории иқтисодӣ ва афзоиши гардиши савдои Тоҷикистон ва Британияи Кабир баррасӣ гардид
Дар Минтақаи озоди иқтисодии «Данғара» татбиқи лоиҳаҳои нави сармоягузорӣ бо сармоягузорони Чин баррасӣ гардид
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
Ҳамкории Тоҷикистон ва Покистон дар соҳаҳои иқтисоду тиҷорат густариш меёбад
Данғара – Гулистон — аввалин роҳи мошингарди Тоҷикистон, ки бо тарҳи «роҳҳои сабз» навсозӣ мешавад
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
«ТОҶИКИСТОН-2026». Дар Душанбе Намоишгоҳи байналмилалии универсалӣ доир мегардад
Ҳамкории Тоҷикистон бо Иттиҳоди Аврупо дар соҳаи энергетика ва захираҳои об густариш меёбад
