Дар вилояти Хатлон 11 446 нафар занон роҳбарони хоҷагиҳои деҳқонӣ мебошанд

ДУШАНБЕ, 25.10.2023. /АМИТ «Ховар»/. Саҳми занон дар соҳаи кишоварзии вилояти Хатлон назаррас буда, шумораи саҳмдорони хоҷагиҳои деҳқонии вилоят ба 162 000 нафар мерасад, ки 11 446 нафарашон роҳбарони хоҷагиҳои деҳқонӣ мебошанд. Дар ин хусус ба АМИТ «Ховар» дар Мақомоти иҷроияи ҳокимияти давлатии вилояти Хатлон хабар доданд.

Шумораи занони соҳибкори инфиродии фаъолияткунанда дар қайди мақомоти андоз ҳамагӣ 23 540 нафар буда, аз инҳо 2654 нафар бо шаҳодатнома бо шартҳои махсус, 1160 нафар бо шаҳодатнома дар низоми махсус, 7445 нафар бо патент, 835 нафар чун роҳбари шахсони ҳуқуқӣ ва 11 446 нафар ҳамчун роҳбарони хоҷагиҳои деҳқонии  инфиродӣ фаъолият менамоянд.

Саҳми занон дар соҳаҳои мухталифи хоҷагии халқи вилояти Хатлон чашмрас буда, дар соҳаи кишоварзӣ 162 034 нафар ва ҳамчун роҳбарони хоҷагиҳои деҳқонӣ аз ҳисоби занон  11 446 нафар кор менамоянд.

АКС: Мақомоти иҷроияи ҳокимияти давлатии вилояти Хатлон