ДАЪВАТИ ТИРАМОҲӢ. Вилояти Мухтори Кӯҳистони Бадахшон даъвати ҳарбиро иҷро намуд
ДУШАНБЕ, 01.10.2023 /АМИТ «Ховар»/. — Вилояти Мухтори Кӯҳистони Бадахшон дар рӯзи аввали даъвати ҳарбӣ онро пурра иҷро намуд. Дар ин хусус АМИТ «Ховар» бо истинод ба Раёсати Вазорати корҳои дохилӣ дар вилоят хабар медиҳад.
Ҷавонони синни даъватии шаҳру ноҳияҳои Вилояти Мухтори Кӯҳистони Бадахшон, ки ҳамзамон ҷавонони ватандӯсту шуҷоатманд ва хештаншиносу содиқи Ватан маҳсуб меёбанд, ихтиёран бо амри дилу виҷдон азми хизмати Модар — Ватан намуда, имрӯз дар шаҳри Хоруғ ботантана дар фазои идона ва дар маросими расмӣ ба хизмати ҳарбӣ гуселонида шуданд.
Ба ин муносибат аз майдони Парчами давлатии шаҳри Хоруғ — маркази маъмурии Вилояти Мухтори Кӯҳистони Бадахшон бо иштироки роҳбарияти Мақомоти иҷроияи ҳокимияти давлатии вилоят ва шаҳру ноҳияҳо, роҳбарони мақомоти ҳифзи ҳуқуқ ва сохторҳои низомӣ, кормандони комиссариатҳои ҳарбӣ, масъулини мизҳои ҳарбии ҷамоатҳои шаҳраку деҳот, собиқадорони ҷангу меҳнат ва волидайну пайвандони ҷавононе, ки хизмати Модар-Ватанро ихтиёр намудаанд, роҳпаймоӣ оғоз гардида, то макони баргузории чорабинии тантанавӣ — Боғи фарҳангию фароғатии шаҳри Хоруғ идома ёфт.
Сипас тантанаҳои идонаи нахустин рӯзи сафарбарнамоӣ ва гусели ҷавонон ба сафи Қувваҳои Мусаллаҳи мамлакат бо табрикоти роҳбарияти Мақомоти иҷроияи ҳокимияти давлатии ВМКБ ва чорабиниҳои фарҳангии санъаткорони Бадахшонзамин баргузор гардид.
Зимнан, ҷавонони даъватӣ ва волидайни онҳо дар ин маросим суханронӣ намуда, иброз доштанд, ки ҷавонони имрӯза чун аҷдодони хирадманду қаҳрамонони миллати тоҷик мардонагии ҳақиқиро дар омодагӣ ба ҳифзи Ватан медиданд. Зеро хизмат ба Ватан ба ҷуз адои қарзи шаҳрвандӣ мактаби бузурги ҷавонмардиву садоқат ба Ватан низ мебошад.
АКС: Раёсати Вазорати корҳои дохилии Ҷумҳурии Тоҷикистон дар ВМКБ
Дар ноҳияи Исмоили Сомонии шаҳри Душанбе нақшаи даъвати ҳарбӣ 100 фоиз иҷро гардид
Намояндагони мақомоти судии Тоҷикистон ва Узбекистон дар Минск густариши муносибатҳои судӣ-ҳуқуқиро баррасӣ намуданд
Ноҳияи Шоҳмансури шаҳри Душанбе нақшаи даъвати ҳарбиро 100 фоиз иҷро намуд
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Хуҷанд 100 фоиз иҷро гардид
Машварати понздаҳуми Шурои марказии Ҷамъияти ихтиёрии мусоидат ба артиш, авиатсия ва флоти ИДМ доир шуд
Бонки миллии Тоҷикистон ҳушдор медиҳад, ки ҳангоми истифодаи хизматрасонии бонкии рақамӣ эҳтиёткор бошед
Ҷавонони шаҳри Турсунзода бо гирифтани шаҳодатномаи ронандагӣ ба хизмати ҳарбӣ рафтанд
Хадамоти ҳифзи давлатии объектҳо оид ба муҳофизати шаҳраки Ғарми ноҳияи Рашт бо нақлиёти махсуси оташнишонӣ таъмин гардид
ДАЪВАТИ ТИРАМОҲӢ. Дар Муъминобод ба 20 ҷавон шаҳодатномаи ронандагӣ супорида шуд
Ҳабибулло Воҳидзода бо Котиби иҷроияи Шурои ҳамоҳангсозии прокурорҳои генералии давлатҳои аъзои ИДМ Александр Баженов вохӯрӣ намуд
Ҳабибулло Воҳидзода бо Прокурори генералии Ҷумҳурии Беларус Дмитрий Гора мулоқот намуд
Ҳабибулло Воҳидзода бо прокурорҳои генералии Қирғизистон ва Қазоқистон мулоқот намуд
