ФУТБОЛ. Имрӯз дастаҳои «Равшан» бо «Хатлон» ва «Истиқлол» бо «Регар-ТадАЗ» қувва меозмоянд
ДУШАНБЕ, 19.10.2023 /АМИТ «Ховар»/. Имрӯз дар варзишгоҳҳои мамлакат бозиҳои ҷавобии даври нимниҳоии Ҷоми Тоҷикистон – 2023 оид ба футбол доир мегарданд. Дастаҳои футболи «Равшан»-и шаҳри Кӯлоб бо «Хатлон»-и шаҳри Бохтар ва «Истиқлол»-и шаҳри Душанбе бо «Регар-ТадАЗ»-и шаҳри Турсунзода рақобат менамоянд. Дар ин хусус шореҳи варзиши АМИТ «Ховар» бо истинод ба Федератсияи футболи Тоҷикистон хабар медиҳад.
Дастаи футболи «Истиқлол»-и шаҳри Душанбе ба меҳмонии дастаи «Регар-ТадАЗ»-и шаҳри Турсунзода меравад. Дар бозии аввал дастаи футболи «Истиқлол» дар шаҳри Душанбе бо ҳисоби 1 бар 0 дастаи «Регар-ТадАЗ»-ро мағлуб намуда буд. Ягона голро дар дақиқаи 19-ум Шаҳром Сулаймонов ба нишон расонида буд.
Дастаи футболи «Истиқлол»-и шаҳри Душанбе 9 маротиба ғолиби Ҷоми Тоҷикистон маҳсуб мешавад. Дастаи футболи «Регар-ТадАЗ»-и шаҳри Турсунзода 6 маротиба дар Ҷоми Тоҷикистон муваффақ шудааст.
Ёдовар мешавем, ки дар бозии дигари ҷавобӣ дастаҳои футболи «Равшан»-и шаҳри Кӯлоб ва «Хатлон»-и шаҳри Бохтар байни ҳам рақобат менамоянд. Дар бозии аввал дар шаҳри Бохтар дастаи «Равшан»-и шаҳри Кӯлоб бар дастаи «Хатлон» бо ҳисоби 3 бар 0 ғолиб гардида буд.
АКС: Федератсияи футболи Тоҷикистон
Дар «Саноатсодиротбонк» чорабинии тантанавӣ ба ифтихори таҷлили Рӯзи Модар баргузор гардид
Имрӯз дар шаҳри Душанбе борони кӯтоҳмуддат меборад
Ҷамъи 11: МегаФон Тоҷикистон шабакаи идораҳои хизматрасонӣ ба муштариёнро васеъ менамояд
5-6 март дар Тоҷикистон борони бошиддат пешгӯӣ мешавад
Имрӯз дар Тоҷикистон борони бошиддат меборад
Дар Донишгоҳи давлатии молия ва иқтисоди Тоҷикистон оид ба роҳҳои пешгирии коррупсия, терроризм ва экстремизм ҳамоиш доир шуд
Дар Донишкадаи кӯҳию металлургии Тоҷикистон бахшида ба Рӯзи Модар ҳамоиш доир гардид
Бахшида ба Рӯзи матбуоти тоҷик дар Донишгоҳи давлатии ҳуқуқ, бизнес ва сиёсати Тоҷикистон ҳамоиш доир шуд
Имрӯз дар Тоҷикистон ҳавои абрнок пешгӯӣ мешавад
Дар Душанбе масоили афзоиши истеҳсоли маҳсулоти кишоварзӣ баррасӣ шуд
ДАРАХТ БИНШОН! Дар ноҳияи Айнӣ қариб 3000 бех ниҳол шинонида шуд
ТАҶАЛЛИБАХШИ НИГИНИ ТОҶИ МИЛЛАТ. Андешаҳо дар мавриди арҷгузорӣ ба Зан-Модар
